އިސްރާއީލުން 2023 ވަނަ އަހަރުގެ އޮކްޓޯބަރު މަހު ޣައްޒާއަށް ދޭން ފެށި ހަމަލާތަކުގައި ޝަހީދުކޮށްލި ފަލަސްތީނުގެ ރައްޔިތުންގެ އަދަދު 60,034 އަށް އަރާފައިވާ ކަމަށް އެ ސަރަޙައްދުގެ ހެލްތު މިނިސްޓްރީން ބުނެފިއެވެ.

ޣައްޒާއިން މިހާރު ކާބޯތަކެތި އެއްކޮށްހެން ހުސްވެފައިވާއިރު، ޣައްޒާގެ ރައްޔިތުން ދަނީ އިންތިހާ ދަރަޖައަށް ބަނޑުހައިހޫނުކަން ތަޙައްމަލް ކުރަމުންނެވެ. ބަނޑުހައިހޫނުކަމުގެ ސަބަބުން ޣައްޒާގައި މިހާތަނަށް 147 މީހުން ޝަހީދުވެފައިވެއެވެ. އޭގެ ތެރޭގައި 88 ކުޑަކުދިން ވެސް ހިމެނެއެވެ. ޢުދުވާން ފެށުނު ފަހުން ޣައްޒާގައި ޝަހީދުވި މީހުންގެ ޖުމްލަ ޢަދަދު މިހާރު ވަނީ 60،000 އަށްވުރެ އިތުރުވެފައެވެ. ޙަމަލާތަކުގެ ސަބަބުން މުޅި ޣައްޒާ ވަނީ ސުންނާފަތިވެފައެވެ.

Ad by Hajj Corporation

މި ހިތާމަވެރި އަދަދަށް ވާސިލްވެފައިވަނީ އަންގާރަ ދުވަހުއެވެ. މިއާއެކު، ބަނޑުހައިހޫނުކަން މޮނިޓަރ ކުރާ ދުނިޔޭގެ ނިޒާމެއް ކަމަށްވާ އިންޓަގްރޭޓެޑް ފުޑް ސެކިއުރިޓީ ފޭސް ކްލެސިފިކޭޝަން (އައިޕީސީ) އިން ވަނީ ޣައްޒާގައި "ބަނޑުހައިހޫނުކަމުގެ އެންމެ ނުރައްކާތެރި ހާލަތު" ކުރިމަތިވަމުން އަންނަ ކަމަށް ބުނެ އިންޒާރުކޮށްފައެވެ.

ޣައްޒާއަށް ކުރިމަތިވެފައިވާ ބަނޑުހައިހޫނުކަމުގެ ޙާލަތުގެ ސަބަބުން ޔަހޫދީންނަށް މިހާރު ވެސް ދަނީ ބައިނަލްއަޤްވާމީ ފިއްތުންތައް ކުރިމަތިވަމުންނެވެ. ޔަހޫދީންނަށް އަމާޒުވަމުންދިޔަ ފާޑުކިޔުންތަކުގެ ސަބަބުން ބައެެއް ވަގުތުތަކުގައި ޣައްޒާއަށް ޙަމަލާ ދިނުން މެދުކަނޑައިލައި އެހީގެ ސާމާނު އެތެރެކުރުމަށް ފުރުޞަތު ދިނުމަށް ވަނީ މަޖުބޫރުވެފައެވެ. ޖުލައި މަހުގެ 27ވަނަ ދުވަހުން ފެށިގެން އެ ފުރުޞަތު ދޭނެ ކަމަށް ޔަހޫދީން ބުނި ނަމަވެސް ދުނިޔޭގެ ކާބޯތަކެއްޗާބެހޭ ޖަމުޢިއްޔާ، ޑަބްލިޔުއެފްޕީން ވަނީ ޣައްޒާއަށް އެހީގެ ސާމާނު އެތެރެކުރުމަށް ބޭނުންވާ ޙުއްދަތަޢް އެ ޖަމުޢިއްޔާއަށް ނުލިބޭ ކަމަށް ބުނެފައެވެ.

އޭޕްރީލް އާއި ޖުލައިމަހުގެ މެދުތެރެއާ ދެމެދު 20،000 އަށް ވުރެ ގިނަ ކުޑަކުދިންނަށް ކާނާނުލިބިގެން ޖެހޭ ބަލިތަކަށް ފަރުވާ ދީފައިވާއިރު، އޭގެ ތެރެއިން 3،000 އަށް ވުރެ ގިނަ ކުދިންގެ ހާލު ވަރަށް ސީރިއަސްއެވެ. ޔަހޫދީންނަށް އަމާޒުވަމުންދިޔަ ފާޑުކިޔުންތަކުގެ ސަބަބުން ބައެެއް ވަގުތުތަކުގައި ޣައްޒާއަށް ޙަމަލާ ދިނުން މެދުކަނޑައިލައި އެހީގެ ސާމާނު އެތެރެކުރުމަށް ފުރުޞަތު ދިނުމަށް ވަނީ މަޖުބޫރުވެފައެވެ.