ދިވެހި ފުޓުބޯޅައިގެ ރަސްގެފާނު އަދި އެންމެ ކާމިޔާބު ޓީމު ނިއުރޭޑިއަންޓް ސްޕޯޓްސް ކުލަބުން، އެ ކުލަބުގެ ސަޕޯޓަރުންނަށް، ޓީމުގެ މެޗު ކޮލިޓީ ޖާޒީ ގަތުމުގެ ފުރުސަތު ހުޅުވާލައިފިއެވެ.

ނިއުރޭޑިއަންޓުން ބުނީ، އެ ކުލަބުގެ "އޯތެންޓިކް މެޗު ކޮލިޓީ ޖާޒީ" ގަތުމަށް ޕްރީ އޯޑަރ ކުރުމުގެ ފުރުސަތު މިހާރު ހުޅުވާލާފައިވާ ކަމަށެވެ.

Ad by Hajj Corporation

މިއީ އެ ޖާޒީގެ ޕްލެޔަރ ވާޝަންއަށްވާއިރު، ގިނަ ސަޕޯޓަރުން ބޭނުންވަނީ ވެސް، ދަނޑުމަތީގައި ކުޅުންތެރިން ކުޅޭ ޖާޒީ ވާޝަންކަން ފާހަގަކޮށްލެވެއެވެ.

އަގުހުރި މި ފުރުސަތުގައި އެ ކޮލިޓީގެ ޖާޒީ ގަންނަން ލިބެނީ 1000ރ އަށެވެ.

"މެންދުރުޓީވީ" އަށް މައުލޫމާތު ލިބިފައިވާ ގޮތުގައި، އިއްޔެ ޕްރީ އޯޑަރ އަށް ހުޅުވާލިފަހުން މިހާތަނަށް 180 ޖާޒީއަށް ވަނީ އޯޑަރ ލިބިފައެވެ.

ކުލަބު އެންމެ އަޑިއަޅާލި ވަގުތު ޓީމުގެ ފަހަތުގައި ތިބީ ދެގޮތެއްނުވާ ނުލާއި ހުދުގެ ލަޝްކަރުކަމަށްވާއިރު، މިއީ ވެސް، ކުލަބުގެ ކުރިމަގު އުޖާލާ ކުރުމުގެ ދަތުރުގައި ސަޕޯޓަރުންނަށް ބައިވެރިވާން ލިބޭ ރަނުގެ ފުރުސަތެއްކަން ފާހަގަކޮށްލެވެއެވެ.

ޖާޒީގެ ޕްރީ އޯޑަރަށް ހުޅުވާލާފައިވާއިރު އަތްދިގު އަދި އަތްކުރު ޖާޒީ ވެސް ގަތުމުގެ ފުރުސަތު އެބައޮތެވެ.

ލިބެންހުރި ސައިޒްތަކަށް ބަލާއިރު ބޮޑެތި މީހުންނަށް، ސައިޒް ސްމޯލް އިން ފެށިގެން ގޮސް 6 އެކްސްއެލްއާ ހަމައަށް ލިބެން ހުންނާނެއެވެ. އަދި ކުޑަކުދިންނަށް، ކޭ2އެކްސްއެސް އިން ފެށިގެން ކޭ2އެކްސްއެލްއާ ހަމައަށް ލިބެން ހުންނާނެއެވެ.

ނިއުރޭޑިއަންޓުން ވަނީ، ޕްރީ އޯޑަރ ކުރަން ބޭނުންވާ ފަރާތްތަކުން 9111966 އަށް ގުޅުމުން އެ ފުރުސަތު ލިބޭނެކަމަށް ބުނެފައެވެ.