ސަރުކާރު ހިންގާ ޕީއެންސީއިން މިރޭ ބާއްވާ ޖަލްސާއަށްޓަކައި ހެންވޭރުގެ ބޮޑު ސަރަހައްދެއް އިރުއޮއްސުމަށް ފަހު ބަންދު ވާނެ ކަމަށް ދިވެހި ފުލުހުންގެ ހިދުމަތުން ބުނެފިއެވެ.

ފުލުހުން މިއަދު ނެރުނު އިއުލާންގައި ވާގޮތުން، މިރޭ އާޓިފިޝަލް ބީޗް ސަރަހައްދުގައި ބޭއްވުމަށް ހަމަޖެހިފައިވާ ޖަލްސާއާ ގުޅިގެން މިއަދުގެ 18:00 އިން ފެށިގެން އެ ހަރަކާތް ނިމެންދެން އެ ސަރަހައްދުގެ ޓްރެފިކް ފްލޯއަށް ބަދަލު ގެންނަން ވަނީ ނިންމައިފައެވެ.

Ad by Hajj Corporation

އެގޮތުން އެ ވަގުތުން ފެށިގެން ބޮޑުތަކުރުފާނުމަގު, ކާނިވާ ސަރަހައްދުން ފެށިގެން ކުރީގެ ޗީބޯ ރެސްޓޯރެންޓާ ހަމައަށާއި މަޖީދީމަގުގެ ވަކި ސަރަހައްދެއް އެއްކޮށް ބަންދުވާނެ ކމަށް ފުލުހުން ވަނީ ބުނެފައެވެ.

މީގެ އިތުރުން މަޖީދީމަގާއި ސޯސަންމަގު ގުޅޭ ކަންމަތިން ފެށިގެން ހެންވޭރުގެ ބޮޑު ސަރަހައްދަކަށް ހަތަރު ފުރޮޅުލީ އުޅަނދު ނުވަދެވޭ ގޮތަށް ބަންދު ކުރުމަށް ވެސް ވަނީ ނިންމައިފައެވެ.

މިފަދަ ކޮންމެ އެއްވުމަކާ ގުޅިގެން އެ ސަރަޙައްދެއްގެ ޓްރެފިކް ފްލޯއަށް ބަދަލު ގެނެސް ފުލުހުން އެ ސަރަޙައްދެއްގެ ސަލާމަތީ ކަންކަން ބަލަހައްޓާކަން ފާހަގަ ކޮށްލަންޖެހެއެވެ.

މިރޭގެ ޖަލްސާގައި ބައިވެރިވުމަށް އަތޮޅުތަކުގެ ރަށްތަކުން އެތައް ހާސް ބަޔަކު ވަނީ މާލެ އަރާފަ އެވެ. މި ޖަލްސާގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ބައިވެރިވެވަޑައިގަންނަވާނެ އެވެ.