އެމްޑީޕީ ސަރުކާރުގެ ޔޫތު މިނިސްޓަރު އަހްމަދު މަހްލޫފްއާއެކު ގިނަ ބަޔަކު ސަރުކާރު ހިންގާ ޕާޓީ- ޕީއެންސީއާ ގުޅިވަޑައިގެންފިއެވެެ.

ދިވެހީންގެރާއްޖެ ޖަލްސާގައި ކުރީގެ މިނިސްޓަރ މަހްލޫފްއާއެކު ނޫސްވެރިޔާ އަދި ލިޔުންތެރިޔާ އިމާދު ލަތީފާއި އަދި އެމްޑީޕީގެ އިސް އެކްޓިވިސްޓުންތަކެއް ވެރިކަންކުރާ ޕީއެންސީއާ ވަނީ ގުޅިވަޑައިގެންފައެވެ.

Ad by Hajj Corporation

މި ބޭފުޅުން ޕީއެންސީއަށް ސޮއިކުރުމަށްފަހު، ޕާޓީއާ ގުޅުނުކަމުގެ ލިޔުން ޕީއެންސީގެ ރައީސް އަދި ރައީސުލްޖުމްހޫރިއްޔާ، ޑރ. މުޙައްމަދު މުޢިއްޒުއާ ހަވާލުކޮށްފައިވަނީ ޕީއެންސީގެ "ދިވެހީންގެ ރާއްޖެ" ޖަލްސާގެ ތެރެއިންނެވެ.

މަހުލޫފަކީ ކުރީ ސަރުކާރުގެ ޔޫތު މިނިސްޓަރުގެ އިތުރުން އިދިކޮޅު އެމްޑީޕީގެ ޤައުމީ މަޖިލީހުގެ މެންބަރެއްވެސްމެއެވެ. މަހްލޫފް ވަނީ މީގެ ދުވަސްކޮޅެއް ކުރިން އެމްޑީޕީން ވަކިވެވަޑައިގެންފައެވެ.

ޕީއެންސީ އަކީ މިހާރު ދިވެހިރާއްޖޭގައި އެންމެ ގިނަ މެންބަރުން ތިބި ސިޔާސީ ޕާޓީވެސްމެއެވެ. މިއީ ޤައުމުގެ ސިޔާސީ މަޝްރަޙަށް އައިސްފައިވާ ފާހަގަކޮށްލެވޭ ބަދަލެކެވެ.