ގޯލްޑަން ފުޓްސަލް ޗެލެންޖުގެ އިއްޔެ ޖުމްލަ 4 މެޗުކުޅެވިފައިވެއެވެ. މިމުބާރާތުގައި އިއްޔެ ކުޅެވުފައިވަނީ ގއ އަތޮޅުގެ ގްރޫޕްތަކުގެ މެޗުތަކެވެ.

އެގޮތުން ގްރޫޕް 1 ގެ ފުރަތަމަ މެޗެއްގެ ގޮތުގައި ކުޅެވުނީ ނިލަންދޫ އާއި ދާންދޫއެވެ. މިމެޗު 2-1 އިން ކާމިޔާބުކުރީ ގއ ދާންދޫއެވެ. މިމެޗުގެ މޮޅުކުޅުންތެރިޔަކަށް ހޮވިފައިވަނީ ދާންދޫގެ ޖޯޒީ ނަންބަރު 7 މުޙައްމަދު އަޒާން މަޢައްދުއެވެ. މިމެޗުގެ ދާންދޫގެ 2 ގޯލުޖެހީވެސް އޭނާއެވެ. މިގްރޫޕްގެ ދެވަނަ މެޗުގައި ރޭގައި ބައްދަލުކުރީ ވިލިގިއްޔާއި ދެއްވަދޫއެވެ. މިމެޗު ފަސޭހަކާމާއެކު 6-1 އިން ކާމިޔާބުކުރީ ދެއްވަދޫއެވެ. މިމެޗުގައި ދެއްވަދޫގެ އަހްނަފް ރަޝީދު ވަނީ ހެޓްރިކް ހަދައި މެޗުގެ މޮޅުކުޅުންތެރިޔާކަން ހޯދާފައެވެ.

ކަނޑުހުޅުދޫ އާއި ގެމަނަފުށި ބައްދަލުކުރި މެޗުގެތެރެއިން. ފޮޓޯ: އިމޭޖެސް.އެމް.ވީ

ގްރޫޕް 2 ގައި ރޭގައި ފުރަތަމަ ބައްދަލުކުރީ ކަނޑުހުޅުދޫއާއު ގެމަނަފުއްޓެވެ. މިމެޗު 2-1 އިން ކާމިޔާބުކުރީ ގެމަނަފުއްޓެވެ. މިމެޗުގެ މޮޅުކުޅުންތެރިޔަކީ ގެމަނަފުށީގެ އަހުމަދު ޝާމްއެވެ. މިގްރޫޕްގެ ފަހުމެޗުގައި ރޭގައި ބައްދަލުކުރީ މާމެންދޫއާއި ކޮލަމާފުއްޓެވެ. މިމެޗު 2-1 އިން މާމެންދޫ ވަނީ މޮޅުވެފައެވެ. މިމެޗުގެ މޮޅުކުޅުންތެރިޔަކީ މާމެންދޫގެ ރައުހާން ރިފްއަތުއެވެ،

ގޯލްޑަން ފުޓްސަލްގައި މިރޭގައި ޖުމްލަ 8 މެޗުކުޅެވޭނެއެވެ. މިރޭގައި ކުޅެވިގެންދާނީ މިމުބާރާތުގެ ހއ އަދި ހދ ގެ ގްރޫޕްތަކުގެ މެޗުތަކެވެ.