ބަޔަރ ލެވަރކޫޒަންއިން ޑީއެފްބީ ޕޯކަލްގެ ސެމީފައިނަލަށް ދަތުރު ކަށަވަރުކޮށްފިއެވެ. ޑީއެފްބީ ޕޯކަލްގެ ސެމީގައި ރޭގައި ލެވަރކޫސަން ވަނީ ރޭގައި ކޯލްން އަތުން 3-2 އިން މޮޅުވެފައެވެ.

ރޭގައި ކުޅުނު މެޗުގައި ކޯލްންއިން 2 ގޯލަޖަހާފައިވަނިކޮށް ލެވަރކޫސަން އިން ވަނީ 2 ގޯލުޖަހައި މެޗުގެ 90 މިނެޓުގައި 2-2 އިން މެޗު އެއްވަރުކޮށްފައެވެ. ލެވަރކޫސަންއަށް މެޗު އެއްވަރުކޮށްދިން ގޯލުޖަހައިދިނީ މެޗުގެ އިތުރު ވަގުތުގައި ޝިކްއެވެ. މިމެޗުގެ ލެވަރކޫސަންގެ ފުރަތަމަ ގޯލު ޖަހައިދިނީވެސް އޭނާއެވެ.

Ad by Hajj Corporation

90 މިނެޓުގައި އެއްވަރުވުމުން ނަތީޖާ ނެރެން ކުޅުނު އިތުރު ވަގުތުގެ 2 ހާފުތެރެއިން ފުރަތަމަ ހާފުގައި ލެވަރކޫސަންގެ ބޮނިފޭސް ވަނީ ގޯލް ޖަހައި ތީމު މޮޅުކޮށްދީފައެވެ.

މިމުބާރާތުގައި މީގެ ކުރިން ލެވަރކޫސަން ވަނީ ބަޔާން މިޔުނިކުވެސް ބަލިކޮށް މުބާރާތުން ކަޓުވާލާފައެވެ. މިމުބާރާތުގެ މިދިޔަ އަހަރުގެ ޗެންޕިއަނުންނަކީވެސް ލެވަރކޫސަންއެވެ.