އެމެރިކާގެ ރައީސް ޖޯ ބައިޑަން ޓައިވާނަށް 567 މިލިއަން ޑޮލަރުގެ އާ ދިފާއީ އެހީތެރިކަން ފޯރުކޮށްދިނުމަށް ރުހުން ދެއްވާފައިވާ ކަމަށް ވައިޓް ހައުސް އިން ބުނެފި އެވެ.

ވައިޓް ހައުސްއިން އާދީއްތަ ދުވަހު ނެރުނު ބަޔާނެއްގައި ބުނެފައިވަނީ ޓައިވާނަށް އެހީތެރިކަން ފޯރުކޮށްދިނުމުގެ ގޮތުން ޑިޕާޓްމަންޓް އޮފް ޑިފެންސްގެ ހިދުމަތްތަކާއި އަސްކަރީ ތައުލީމާއި ތަމްރީނުގެ ގޮތުގައި 567 މިލިއަން ޑޮލަރާ ހަމައަށް ފައިސާ ނެގުމަށް އެންގުމަށް ބައިޑަން ސެކްރެޓަރީ އޮފް ސްޓޭޓްއާ ހަވާލުކުރައްވާފައިވާ ކަމަށެވެ.

އެހެން ނަމަވެސް މިކަމާއި ގުޅޭ އިތުރު ތަފްސީލެއް ނުދެ އެވެ.

ޓައިވާނާ އެކު އެމެރިކާއިން ރަސްމީ ޑިޕްލޮމެޓިކް ގުޅުމެއް ނުބާއްވާއިރު، ޓައިޕޭއަކީ ބައިނަލްއަގްވާމީ ގޮތުން އެންމެ ބޮޑު އެއްބާރުލުމާއި ހަތިޔާރު ސަޕްލައިކުރާ ގައުމެވެ. ޗައިނާއިން ތަކުރާރުކޮށް ވޮޝިންޓަނަށް ގޮވާލަމުން ދަނީ އެ ގައުމުގެ ސަރަހައްދެއްގެ ގޮތުގައި އެ ގައުމުން ބުނާ ޓައިޕޭއަށް ހަތިޔާރު ވިއްކުން ހުއްޓާލުމަށެވެ.

މިދިޔަ އޭޕްރީލް މަހު އެމެރިކާއިން ވަނީ ޓައިވާނަށް އެތައް ބިލިއަން ޑޮލަރެއްގެ އަސްކަރީ އެހީއެއް ދިނުމަށް ހުއްދަ ދީފައި މިވަނީ ޗައިނާއިން ޓައިވާނަށް އަސްކަރީ އަދި ސިޔާސީ ޕްރެޝަރު ބޮޑުކުރުމުންނެވެ. ޑިމޮކްރެޓިކް އައިލެންޑަށް ތާއީދުކޮށް ވޮޝިންޓަނުން އެގައުމުގެ "ދާޚިލީ ކަންކަމަށް" ނުފޫޒު ފޯރުވަމުންދާ ކަމަށް ބެއިޖިން އިން ތުހުމަތު ކުރެ އެވެ.

ޓައިޕޭ އިން ވަނީ އަޕްގްރޭޑް ކޮށްފައިވާ އެފް-14 ފައިޓާ ޖެޓްތައް ހިމެނޭ ގޮތަށް އެމެރިކާގެ ހަތިޔާރު ފޯރުކޮށްދިނުން ލަސްވާ ކަމުގެ ޝަކުވާ ކޮށްފަ އެވެ.

ޓައިވާނުގެ ބާރުގެ ދަށަށް ގެނައުމަށް ޗައިނާއިން ބާރުގެ ބޭނުން ކުރުން ހުއްޓާނުލާ، "އެއްބައިވަންތަ ކަމަކީ ކޮންމެހެން ކުރަންޖެހޭ ކަމެއްކަމަށް ބުނެ ދައްކާ ވާހަކަތައް ވެސް ވަނީ އިތުރުކޮށްފަ އެވެ.

ޓައިވާނުން ވަނީ ޗައިނާގެ ވާހަކަތައް ދޮގުކޮށް، އެ މީހުންގެ މުސްތަގުބަލް އިޚްތިޔާރު ކުރާނީ އެ ރަށުގެ ރައްޔިތުން ކަމަށް ބުނެފަ އެވެ.