އަންހެނުންގެ ކޮޕާ އެމެރިކާގެ ފައިނަލުގައި ކޮލޮމްބިއާ ޕެނަލްޓީ ޝޫޓްއައުޓުން 5-4 އިން ބްރެޒިލް ވަނީ މުބާރާތުގެ ޗެމްޕިއަންކަން ހޯދައިފައެވެ. ކުއިޓޯގައި ކުޅުނު މި މެޗުގެ ގަވާއިދު ވަގުތު ނިމުނުއިރު ސްކޯރަކީ 4-4 އެވެ.

އިކުއެޑޯގައި ކުޅުނު މި މެޗުގައި ކޮލޮމްބިއާއިން ތިން ފަހަރު ލީޑު ނެގި ނަމަވެސް، ކޮންމެ ފަހަރަކުވެސް ބްރެޒިލުން ވަނީ ފަހަތުން އަރައި އެއްވަރުކޮށްފައެވެ. މިމެޗުގެ 90 މިނެޓު ހަމަވިއިރު 3-3 އިން އެއްވަރުވެ ކުޅުނު އިތުރުވަގުތުގައި ދެޓީމުނެވެސް ވަނީ ގޯލެއް ޖަހާފައެވެ. މެޗު ނިމިގެންދިޔައީ 4-4 އިންނެވެ. އެހެންކަމުން މެޗުގެ ނަތީޖާ ނެރެންޖެހުނީ ޕެނަލްޓީ ޖަހައިގެންނެވެ.
ޕެނަލްޓީ ޝޫޓުއައުޓްގައި ބްރެޒިލް އިން ވަނީ ކޮލަމްބިއާގެ މައްޗަށް 4-5 އިން ކުރިހޯދާފައެވެ.

މިއީ ބްރެޒިލް އަންހެނުންގެ ކޮޕާ އެމެރިކާ ކާމިޔާބުކުރި 9 ވަނަ ފަހަރެވެ. 1991 ވަނަ އަހަރުން ފެށިގެން 10 އަހަރު އަންހެނުންގެ ކޮޕާ އެމެރިކާ ބާއްވާފައިވާއިރު، 2006 ވަނަ އަހަރު ފިޔަވައި ކޮންމެ އަހަރަކުވެސް މިމުބާރާތް ކާމިޔާބުކޮށްފައިވަނީ ބްރެޒިލްގެ އަންހެން ޓީމެވެ. 2006 ގައި މިމުބާރާތް ކާމިޔާބުކުރީ އާޖެންޓީނާއެވެ.