އައްޑޫ ސިޓީން, ވިޔަފާރިއަށް 19 ބިމެއް ކުއްޔަށް ދޫކުރަނީ
9 އޯގަސްޓު 2025 - 06:39

އައްޑޫ ސިޓީން ބިން ކުއްޔަށް ހިފަން ޝައުގުވެރިވާ ވިޔަފާރި ކުންފުނި އަދި ޕާޓްނާޝިޕްތަކަށް ފުރުސަތު ހުޅުވާލައިފިއެވެ.
އައްޑޫސިޓީ ކައުންސިލުން ކުރި އިއުލާމުގައި ވަނީ އައްޑޫ ސިޓީ ހިތަދޫ އަވަށުން 19 ބިމެއް ކުއްޔަށް ހިފަށް ޝައުގުވެރިވާ ފަރުދުންގެ ވިޔަފާރި، އަދި ޕާޓްނާޝިފްތަކަށް ދޫކުރަން ނިންމާފައިވާ ކަމަށެވެ.

Ad by Hajj Corporation
ކައުންސިލުގެ އިއުލާނުގައި ވާގޮތުން ބީލަމުގައި ރަޖިސްޓްރީވުމަށް 300 ރުފިޔާގެ ނަން-ރިފަންޑަބަލް ރަޖިސްޓްރޭޝަން ފީ އެއްވެސް ދައްކަންޖެހޭނެއެވެ.
ބިންތައް ކުއްޔަށް ދޫކުރަން ނިންމާފައިވާ ވިޔަފާރިތަކުގެ ތެރޭގައި އާންމު ވިޔަފާރި، ކެފޭ ރެސްޓޯރެންޓް، ހޯލްސޭލް/ވެއާ ހައުސް، ގާ އެޅުމުގެ މަސައްކަތާއި ހެވީ/ލައިޓް އިންޑަސްޓްރިއަލް ފަދަ ވިޔަފާރިތައް ހިމެނެ އެވެ.
އޭގެ ތެރޭގައި 1،500 އަކަ ފޫޓުން ފެށިގެން 30،000 އަކަފޫޓުގެ ބިންތައް ހިމެނެ އެވެ. އޭގެ ތެރެއިން 14 ބިމެއް ދޫކުރަން ނިންމާފައި ވަނީ ހެވީ/ލައިޓް އިންޑަސްޓްރިއަލް ވިޔަފާރިތަކަށެވެ.
އައްޑޫ ސިީޓީ ކައުންސިލުން ބުނީ ބިންތައް ދޫކުރާނީ ބީލަމުގެ އުސޫލުން ކަމަށާއި އަދި ބީލަމުގައި ރަޖިސްޓްރީވުމުގެ ފުރުސަތު މި މަހުގެ 21 ވަނަ ދުވަހާ ހަމައަށް ހުޅުވާލައިފައިވާ ކަމަށެވެ.