މާލޭގެ ބާޒާރުމަތީ ޑޯން ކެފޭ ކައިރީގައި ހުންނަ "ލިލީ އެފް އެންޑް ބީ ސަޕްލަޔާޒް 1 ބާޒާރު" ގައި ހޮނިހިރު ދުވަހުގެ ރޭ އަލިފާނުގެ ހާދިސާއެއް ހިނގައިފިއެވެ.

އެމްއެންޑީއެފް ފަޔަރ އެންޑް ރެސްކިޔު ސަރވިސްއިން މައުލޫމާތު ދިންގޮތުގައި، މި ހާދިސާގެ މައުލޫމާތު އެ ސަރވިސްއަށް ލިބިފައިވަނީ ރޭ 1:00 ގައެވެ. އަދި އެ ސަރވިސްގެ ފަޔަރ ފައިޓަރުން ވަގުތުން ހަރަކާތްތެރިވެ، އަލިފާން ނިއްވުމުގެ މަސައްކަތް ފަށާފައިވެއެވެ.

Ad by Hajj Corporation

ގުދަނެއްގެ ގޮތުގައި ބޭނުންކުރަމުން އައި މި އިމާރާތުގައި ރޯވި އަލިފާން ނިއްވާލެވިފައިވަނީ ގާތްގަނޑަކަށް ދޮޅު ގަޑިއިރުގެ މަސައްކަތަކަށްފަހު، ރޭ 2:39 ހާއިރުއެވެ.

މި ހާދިސާގައި އެއްވެސް މީހަކަށް އަނިޔާވެފައިވާކަން އަދި އެނގިފައެއް ނުވެއެވެ.

މިފަދަ ހާދިސާތަކުން ރައްކާތެރިވުމަށްޓަކައި، ގުދަންތަކުގައި އަލިފާން ނިއްވާ ނިޒާމު ޤާއިމުކުރުމާއި، ސަލާމަތީ ފިޔަވަޅުތައް ވަރުގަދަ ކުރުމަށް ކަމާބެހޭ ފަރާތްތަކުން އަބަދުވެސް އިލްތިމާސް ކުރެއެވެ.