މަޝްހޫރު ޓުއާ އޮޕަރޭޓަރު ރިއޮލޯ އޮފީހުން ވައްކަންކުރި މައްސަލައަކާ ގެޅިގެން ދެ މީހަކު ފުލުހުންގެ ބެލުމުގެ ދަށަށް ގެންގޮސްފިއެވެ.

އެ މައްސަލައިގައި ހައްޔަރު ކޮށްފައި ވަނީ 43 އަހަރުގެ މުޙައްމަދު ކްރިކް ރިޒާ އަދި 45 އަހަރުގެ އަޙްމަދު ނަސްރުއެވެ.

އެ މައްސަލައާ ގުޅިގެން ފުލުހުންގެ ބުނި ގޮތުގައި އެމީހުންވަނީ ރިއޯލޯ އޮފީހުން ދެ ލެޕްޓޮޕާއި މޯބައިލްފޯނާއި އެހެނިހެން ތަކެތި ވަގަށް ނަގާފައެވެ. ވަގަށް ނަގާފައިވާ ތަކެތީގެ ފުރިހަމަ ލިސްޓާއި ޖުމްލަ އަގު ކަމާބެހޭ ފަރާތްތަކުން ހާމަކޮށްފައެއް ނުވެއެވެ. ވަގަށް ނަގާފައިވާ އެ މުދާތައް މިހާރު ވަނީ ސަވައިލެންސް ފުޓޭޖް ރިވިއު ކުރުމަށްފަހު ހޯދާފައެވެ.

އެމިފަދަ ވައްކަމުގެ މައްސަލަތައް ރާއްޖޭގައި މަދުން ނަމަވެސް ދަނީ ހިނގަމުންނެވެ. އެގޮތުން މޯލްޑީވްސް އޮލިމްޕިކް ކޮމިޓީގެ އިމާރާތުގެ ދެވަނަ ފަންގިފިލާގައި ހިނގި ވައްކަމުގެ މައްސަލައެއް ވެސް ފުލުހުން ދަނީ ތަހުގީގު ކުރަމުންނެވެ.