ޑިސެމްބަރުމަހު ސުކޫލު ބޮޑު ޗުއްޓީ ލިބޭގޮތަށް އެޑިއުކޭޝަން މިނިސްޓްރީން އަންނަ އަހަރުގެ އެކަޑެމިކް ކަލަންޑަރު ނެރެފިއެވެ.

އަންނަ އަހަރުގެ ދިރާސީ އައު އަހަރު ފެށޭނީ އޭޕްރީލް 6 ވަނަ ދުވަހުއެވެ. އެގޮތުން އަންނަ އަހަރުގެ ފުރަތަމަ ޓާމް އެޕްރީލްމަހުގެ 6 އިން ޖުލައިމަހުގެ 24 ވަނަ ދުވަހުގެ ނިޔަލަށް ކުރިއަށްދާނެކަމަށް ކަލަންޑަރުގައިވާއިރު ދެ ވަން ޓާމް ކުރިއަށްދާނީ އޯގަސްޓުމަހުގެ 20 ވަނަ ދުވަހުން ފެށިގެން ޑިސެމްބަރުމަހުގެ 25 ވަނަ ދުވަހުގެ ނިޔަލަށެވެ.

2025 ވަނަ އަހަރުގެ ބޮޑު ޗުއްޓީ ލިބޭނެކަމަށް ކަލަންޑަރުގައި ވަނީ ޑިސެމްބަރުމަހުއެވެ.

ދިރާސީ އައު އަހަރު ޖަނަވަރީގައި ފަށާގޮތަށް ބަދަލުކުރުމަކީ ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ރިޔާސީ ވައުދުފުޅެކެވެ.

2026 ވަނަ އަހަރުގެ ދިރާސީ އައު އަހަރު ފެށުމަށް ހަމަޖެހިފައިވަނީ މަސްދުވަހެއްގެ ޗުއްޓީއަކަށްފަހު އެ އަހަރުގެ ޖަނަވަރީ މަހުގެ 27 ވަނަ ދުވަހުއެވެ.