ހުޅުމާލޭގައި ޕާކިންއަށް ޚާއްސަ 12 ޢިމާރާތެއް އަޅާނެ ބަޔަކު ހޯދަން ހައުސިން ޑެވެލޮޕްމަންޓް ކޯޕަރޭޝަން (އެޗްޑީސީ) އިން އިއުލާންކޮށްފިއެވެ.

އީޕީސީ (އިންޖިނިއަރިން، ޕްރޮކިއަމެންޓް އަދި ކޮންސްޓްރަކްޝަން)ގެ މޮޑެލަށް އެޅުމަށް ހުޅުވާލި މި ބީލަމާ ގުޅޭ ގޮތުން އެޗްޑީސީން ބުނީ، މި ޕާކިން އިމާރާތްތަކަކީ ހުޅުމާލޭގެ ޕާކިން މައްސަލައަށް ހައްލު ހޯދުމަށް ކުރިއަށް ގެންދާ މަސައްކަތުގެ ތެރޭ ހިމެނޭ ކަމެއް ކަމަށެވެ.

އެގޮތުން އީއޯއައި ހުށަހެޅުމަށް ކުރި އެ އިއުލާނުގައި އެޗްޑީސީން ބުނި ގޮތުގައި، އީއައިއޯ ހުށަހަޅާއިރު އެހެން މޮޑެލްތަކަށް ވެސް އީއައިއޯ ހުށަހެޅޭނެ ކަމަށެވެ.

އެޗްޑީސީން ބުނި ގޮތުގައި:

1. އެއް ފަރާތަށްވުރެ ގިނަ ފަރާތުން އެ މަޝްރޫއަށް ޝައުގުވެރިކަން ފާޅުކޮށް ޕްރޮޕޯސަލް ހުށަހަޅައިފިނަމަ މަޝްރޫއު ހަވާލު ކުރާނީ އެންމެ ފުރިހަމަ ޕްރޮޕޯސަލް ހުށަހަޅާ ފަރާތަކަށް،
2. އީއޯއައިތައް އިވެލުއޭޓް ކުރުމުގައި ޕްރޮޕޯސްކޮށްފައިވާ ބިޒްނަސް މޮޑަލާއި، އޮޕަރޭޓަރުގެ ތަޖުރިބާ އަދި ސީއެސްއާރަށް ބަލާނެ

މި މަސައްކަތަށް ޝައުގުވެރިވާ ފަރާތްތަކުން، އަންނަ މަހުގެ 16ގެ ކުރިން އީމެއިލް މެދުވެރިކޮށް އީއައިއޯ ހުށަހެޅުމަށް އެކުންފުނިން އެދެއެވެ.