ހުސްވި އޮކްޓޯބަރުގެ ނިޔަލަށް، ދައުލަތުގެ ރަސްމީ ރިޒާވް 65 އިންސައްތަ އިތުރުވެފައިވާ ކަމަށް މަރުކަޒީ ބޭންކް، އެމްއެމްއޭގެ ތަފާސް ހިސާބުތަކުން ދައްކައިފިއެވެ.

އެމްއެމްއޭ އިން ނެރުނު އިގްތިސާދީ އަދާހަމައިގެ ހިސާބުތަކުން ދައްކާ ގޮތުން، މިދިޔަ ސެޕްޓެމްބަރުގެ ނިޔަލަށް ރަސްމީ ރިޒާވްގެ އެސެޓްސްގެ ގޮތުގައި ހުރީ 371 މިލިއަން ޑޮލަރެވެ. އެހެން ނަމަވެސް ހުސްވި އޮކްޓޯބަރު މަހުގެ ނިޔަލަށް، އެ އަދަދު 614 މިލިއަނަށް ވަނީ އިތުރުވެފައެވެ.

Ad by Hajj Corporation

އެގޮތުން ރިޒާވް އިތުރުވި ސަބަބެއް ކަމުގައި އެމްއެމްއޭ އިން ބުނީ، އެމްއެމްއޭ އާއި އިންޑިއާގެ ރިޒާވް ބޭންކް އޮފް އިންޑިއާ (އާރްބީއައި) މެދުވެރިކޮށް ކަރަންސީ ސްވެޕް އެއްބަސްވުމެއްގެ ދަށުން، މަރުކަޒީ ބޭންކް އެމްއެމްއޭ އަށް 400 މިލިއަން ޑޮލަރު ޖަމާ ކުރުމެވެ. އަދި ހަމަ އެ އެއްބަސްވުމުގެ ދަށުން، 30 ބިލިއަން ރުޕީސްގެ ސްވޮޕް ފެސިލިޓީ އެއްގައި ވެސް އެ ފައިސާ ވަނީ އެމްއެމްއޭ އަށް ޖަމާކޮށްފައެވެ.

އެމްއެމްއޭ އިން ބުނި ގޮތުގައި، އެ މުއާމަލާތްތައް ހިންގީ މިދިޔަ މަހުގެ 22 ވަނަ ދުވަހުއެވެ.

އެމްއެމްއޭގެ ތަފާސް ހިސާބުތަކުން ރަސްމީ ރިޒާވް އިތުުރު ވި ނަމަވެސް، ޔޫޒަބަލް ރިޒާވް ވަނީ 17 މިލިއަން ޑޮލަރު ދަށްވެފައެވެ. އެގޮތުން މިދިޔަ މަހު ބޭނުންކުރެވޭ ރިޒާވްގައި ހުރީ 32 މިލިއަން ޑޮލަރެވެ.