ސްޓްލެކޯގެ ނަމުގައި ސްކޭމް ކޯލުތަކެއް ކުރާތީ ސަމާލުވާން އެދެފި

ސްޓެލްކޯގެ އޮފީސް
.jpg&w=3840&q=75)
01 ސެޕްޓެމްބަރު 2024 - 06:14
ސްޓޭޓް އިލެކްޓްރިކް ކޮމްޕެނީ (ސްޓެލްކޯ)ގެ ނަމުގައި އޮޅުވާލައިގެން ފައިސާ ހޯދާ ކޯލުތަކެއް ނުވަތަ ސްކޭމް ކޯލްތަކެއް ކުރާތީ ސަމާލުވާން އެދެފިއެވެ.
އެކަން ފާހަގަކޮށް އެ ކުންފުނީގެ މެނޭޖިން ޑިރެކްޓަރު ހުސައިން ފަހުމީ "އެކްސް"ގައި ކުރެއްވި ޕޯސްޓެއްގައި ވިދާޅުވީ، ސްޓެލްކޯގެ ނަމުގައި ސްކޭމް ކޯލުތަކެއް ކުރާ ކަމުގެ ޝަކުވާ އެކުންފުންޏަށް ލިބިފައިވާ ކަމަށެވެ. އަދި އެފަދަ ކޯލުތަކުން މަސައްކަތްކުރަނީ އޮޅުވާލައިގެން މީހާގެ ޒާތީ މައުލޫމާތު ހޯދަން ކަމަށް ފަހުމީ ވިދާޅުވިއެވެ.
އެފަދަ ކޯލުތަކަށް ސަމާލުކަން ދިނުމަށް އެދެމުން ފަހުމީ ވިދާޅުވީ، ސްޓެލްކޯ އަކުން އެއްވެސް ފަރާތެއްގެ ޒާތީ އަދި މާލީ މަޢުލޫމާތުތައް ހޯދަން ނުގުޅާނެ ކަމަށާއި، އެފަދަ ކޯލެއް ލިބިއްޖެ ނަމަ، އަވަހަށް އެ ކޯލުތައް ކަނޑާލުމަށެވެ. އަދި އެފަދަ ކޯލެއް ލިބިއްޖެ ނަމަ، އެ ކޯލުގެ ސައްޚަކަން ކަށަވަރުކުރުމަށް ސްޓެލްކޯއަށް ގުޅުމަށް ވެސް ފަހުމީ ވަނީ އެދިވަޑައިގަންނަވައިފައެވެ.
މީގެ ކުރިން ވެސް ސަރުކާރު އެކި ކުންފުނިތަކުގެ ނަމުގައި އޮޅުވާލައިގެން ފައިސާ ހޯދުމުގެ މައްސަލަތަކެއް ފެންމަތިވެފައިވެއެވެ. އެގޮތުން އެޗްޑީސީގެ ނަމުގައި ގުޅައި، ފްލެޓް ނުވަތަ އެޕާޓްމެންޓް ދޭނެ ކަމަށް ބުނެ ބައެއް މީހުންގެ އަތުން ބޮޑެތި އަދަދުތަކުން ފައިސާ ހޯދާފައިވެސް ވެއެވެ.
އިތުރު ލިޔުންތައް

ސްޓެލްކޯގެ ހޮޓްލައިން، 1545 ތައާރަފްކޮށްފި
7 މަސް ކުރިން
80 އިންސައްތަ ކަސްޓަމަރުންނަށް މިމަހުގެ ކަރަންޓުބިލް ކުޑަވާނެ: ސްޓެލްކޯ
7 މަސް ކުރިން
މާލެ އަދި ހުޅުމާލޭގެ ބައެއް ސަރަހައްދުތަޖުން މާދަމާ ކަރަންޓު ކެނޑިދާނެ: ސްޓެލްކޯ
7 މަސް ކުރިން.png&w=3840&q=75)