ގޯލްޑް ކަޕް ގައި ގްރޫޕް ސީ ގައި ކުރެންދޫއާއި ހުރާ ވާދަކޮށް ހުރާއިން މުހިންމު ތިން ޕޮއިންޓެއް ހޯދައި ގްރޫޕްގެ ދެވަނައަށް ޖެހިލައިފިއެވެ. މި މެޗު ހުރާ ކާމިޔާބުކުރީ 1-0 އިންނެވެ.

ރޭގެ މެޗަށް ނިކުތްއިރު ކުރެންދޫ ވަނީ އައްޑޫއާއި ވާދަކޮށް އެއްވަރުވެ 1 ޕޮއިންޓް ހޯދާފައެވެ. އަދި ހުރާ ޓީމު މި މުބާރާތުގައި ފުރަތަމަ ކުޅުނު މެޗުން ބަލިވެފައެވެ. އެހެންކަމުން މި މެޗުވެފައި އޮތީ ދެ ޓީމަށްވެސް މޮޅުވާން މަޖުބޫރު މެޗެއްގެގޮތުގައެވެ.

Ad by Hajj Corporation

މެޗުގެ ކުރީކޮޅުން ފެށިގެން ގިނަ ހަމަލާތަކެއް ހުރާގެ ފަރާތުން ފެނުނު މި މެޗުގެ ހަމައެކަނި ގޯލު ކާމިޔާބު ކުރީ މެޗުގެ 70 ވަނަ މިނެޓުގައި ކުރެންދޫ ޓީމުން ހުރާޓީމުގެ ފޯވާޑް އަރީން އަށް ކުރި ފައުލަކާއި ގުޅިގެން ލިބުނު ޕެނަލްޓީއަކުންނެވެ. މި ޕެނަލްޓީ ކާމިޔާބުކޮށްދީނީވެސް އަރީން އެވެ. މި މެޗުގައި ދެ ޓީމަށްވެސް ވަނީ ގޯލުޖަހާނެ ގިނަ ފުރުސަތުތަކެއް ލިބި ބޭކާރުކޮށްލާފައެވެ.

ރޭގެ ނަތީޖާއާއެކު ގުރޫޕް ސީގެ އެއްވަނައިގައި އޮތީ ގުރައިދޫއެވެ. ދެވަނައިގައި ހުރާ އޮތްއިރު ތިންވަނައިގައި އޮތީ އައްޑޫ ސިޓީއެވެ. އަދި ތާވަލުގެ ފުލުގައި އޮތީ ކުރެންދޫގެ ޓީމެވެ.