މާލޭގެ ފެންބޮޑުވުމުގެ މައްސަލައަށް ދާއިމީ ހައްލެއް ހޯދުމަށް ޓަކައި، ބޭނުވާ ބޮޑެތި ޕަންޕުތައް ހޯދުމަށް އޯޑަރުކޮށްފައިވާ ކަމަށާއި، މި ޕަންޕުތައް ކުރިއަށް އޮތް 2 ނުވަތަ 3 ހަފުތާގެ ތެރޭގައި ލިބޭނެ ކަމަށް އުންމީދުކުރައްވާކަމަށް މާލޭގެ މޭޔަރު އާދަމް އާޒިމް ވިދާޅުވެއްޖެއެވެ.

މޭޔަރު މިފަދައިން ވިދާޅުވީ މާލެ ސިޓީ ކައުންސިލުން މާލޭގެ މަގުތައް މަރާމާތުކޮށް، ފެންބޮޑުވުމުގެ މައްސަލަ ހައްލުކުރުމަށް ކުރަމުން ގެންދާ މަސައްކަތުގެ ތެރެއިން މާލޭގެ ބައެއް މަގުތަކުގެ މަސައްކަތް ފައްޓަވާދެއްވުމަށްފަހު މާލޭގެ މޭޔަރު އާދަމް އާޒިމް ވިދާޅުވީ މި މައްސަލައަކީ ރައްޔިތުންނަށް ވަރަށް ބޮޑަށް ދަތިވެފައިވާ މައްސަލައަކަށް ވާތީ، ވީހާ ވެސް އަވަހަށް މި މައްސަލައަށް ހައްލު ހޯދުމަށް މަސައްކަތް ކުރަމުންދާކަމަށެވެ.

މަގުތައް މަރާމާތުކުރުމުގެ މަސައްކަތް ފެށިގެން ކުރިއަށްދާއިރު، އަމީނީމަގާއި ޗާންދަނީމަގު ފަދަ ބޮޑެތި މަގުތައް މަރާމާތުކުރުމަށް ޚާއްޞަ ސަމާލުކަމެއް ދެއްވާނެ ކަމަށް މޭޔަރު ވިދާޅުވިއެވެ. އަދި މާލޭގެ ފެންބޮޑުވުމުގެ މައްސަލައަށް ދާއިމީ ހައްލެއް ހޯދުމަށް ޓަކައި، ބޭނުވާ ބޮޑެތި ޕަންޕުތައް ހޯދުމަށް އޯޑަރުކޮށްފައިވާ ކަމަށާއި، މި ޕަންޕުތައް ކުރިއަށް އޮތް 2-3 ހަފުތާގެ ތެރޭގައި ލިބޭނެ ކަމަށް އުންމީދުކުރައްވާ ކަމަށް މޭޔަރ އާދަމް ޢާޒިމް ވިދާޅުވިއެވެ.

މި މަސައްކަތްތަކަކީ، މާލެ ސިޓީ ކައުންސިލުން އިސްނަގައިގެން ކުރުމަށް ރާވާފައިވާ މަސައްކަތްތަކެއް ކަމަށާއި، މާލޭގެ މަގުތައް މަރާމާތުކޮށް ބެލެހެއްޓުމަކީ، ކައުންސިލުގެ ޒިންމާއެއް ކަމަށް މޭޔަރު އާޒިމް ފާހަގަކުރެއްވިއެވެ. އަދި މި މަސައްކަތުގައި ކައުންސިލް މެންބަރުންގެ ފުރިހަމަ އެހީތެރިކަމާއި އެއްބާރުލުން ލިބިވަޑައިގަންނަވަމުންދާ ކަމަށް ވެސް އޭނާ ވިދާޅުވިއެވެ.

މި މަސައްކަތްތަކުގެ ތެރެއިން މިހާރުދަނީ ވިލިމާލެ މަގުތައް މަރާމާތުކުރުމުގެ މަސައްކަތްތައްވެސް ކުރަމުންނެވެ.