ސައުތު ސެންޓްރަލް ޕޮލިސް ކޮމާންޑަރ ފުޓްސަލް ޗެލެންޖްގެ ފައިނަލަށް ތ ޕޮލިސް ދަތުރުކޮށްފިއެވެ. ނޮވެމްބަރު މަހުގެ 23 ގައި ފެށި މި މުބާރާތުގައި ބައިވެރި ވަނީ ސައުތު ސެންޓްރަލް ޕޮލިސް ރީޖަން (މ،ފ، ދ، ތ އަދި ލ) ގެ އަތޮޅުގެ ރަށްތަކުގެ ޕޮލިސް ސްޓޭޝަންތަކުގައި މަސައްކަތް ކުރާ މުވައްޒަފުންނެވެ. މި މުބާރާތުގައި 5 ޓީމު ބައިވެރިވެފައިވެއެވެ. އެއީ އެއީ މ، ފ، ދ ، ތ އަދި ލ ޕޮލިސްއެވެ.

މި މުބާރާތުގެ ފައިނަލަށް ތ ޕޮލިސް ދަތުރުކުރީ ލީގު ބުރުގައި ތާވަލުގެ އެއްވަނަ ހޯދައިގެންނެވެ. އެގޮތުން ތ ޕޮލިސް ވަނީ ކުޅުނު 4 މެޗުން 8 ޕޮއިންޓާއެކު ފައިދާ 8 ގޯލުގެ ތަފާތުން ތާވަލުގެ އެއްވަނަ ހޯދައި ފައިނަލުން ޖާގަ ހޯދާފައެވެ. މުބާރާތުގެ ފައިނަލުގެ ދެވަނަ ޖާގަލިބޭނީ މާދަމާ ކުޅޭ ސެމީ ފައިނަލުން މޮޅުވާ ޓީމަކަށެވެ. އެގޮތުން މި މެޗުގައި ބައްދަލުކުރާނީ ލީގު ބުރުގެ 2 ވަނަ އަދި 3 ވަނައަށް ދިޔަ މީމާއި އާއި ފާފު ޕޮލިހެވެ.

Ad by Hajj Corporation

ލީގު ބުރުގައި ފ ދެވަނައަށް ދިޔައީ ކުޅުނު ހަތަރު މެޗުން 8 ޕޮއިންޓާއެކު ފައިދާ 5 ގޯލުގެ ތަފާތުންނެވެ. އަދި މ ސެމީފައިނަލަށް ދިޔައީ ލީގު ބުރުގައި ކުޅުނު ހަތަރު މެޗުން ލިބުނު 8 ޕޮއިންތާއެކު ފައިދާ 2 ގޯލުންނެވެ.

މި މުބާރާތަކީ ސައުތު ސެންޓްރަލް ޕޮލިސް ރީޖަންގެ އަތޮޅު ޕޮލިސް ސްޓޭޝަންތަކުގައި މަސައްކަތްކުރަމުންދާ މުވައްޒަފުންގެ މެދުގައި އެކުވެރިކަމާއި ކުޅިވަރުގެ ރޫޙް ދިރުވާ އާލާކޮށް އަދި ދިވެހި ފުލުހުންނަކީ ދުޅަހެޔޮ ސިއްޙަތެއްގައި ތިބޭ ބައެއްގެ ގޮތުގައި ދެމެހެއްޓުމުގެ މަޤްޞަދުގައި ބާއްވާ މުބާރާތެކެވެ.

މި މުބާރާޓް މިފަހަރު ހޯސްޓް ކުރަނީ ކުޑަހުވަދޫ ޕޮލިސް ފުޓްސަލް ގްރައުންޑްގައެވެ.