ބަންކަރިންގެ ހިދުމަތްދޭ އިމާރާތް ހުޅުވާ އަންނަ ބުރާސްފަތި ދުވަހު ހިދުމަތްދޭން ފަށާާނެކަމަށް އެމްޕީއެލް އިން ހާމަކޮށްފިއެވެ. ބަންކަރިންގެ ޚިދުމަތް ދިނުމަށް އުލިގަމުގައި މިހާރު ވަނީ ޢިމާރާތެއް އަޅާފައެވެ.

"އުލިގަމު އިންޓަނޭޝަނަލް ޝިޕް އެންޑް ޕޯޓް ސެކިއުރިޓީ ގޭޓް" ގެނަމުން ނަންދެވިފައިވާ މި އިމާރާތުގެ ސަބަބުން ހިދުމަތްދޭ މުވައްޒަފުންނަށް ބޮޑެތި ފަސޭހަތަކެއް ލިބިގެންދާނެކަމަށް އެމްޕީއެލް ގެ ސީއީއޯ ވަޖީހު ވިދާޅުވިއެވެ. މިއާއެކު މިކަމަށް ހާއްސަ ވެބްސައިޓު( ޔޫއެމްއެސް) ވަނީ ތައާރަފް ކޮށްފައެވެ. މިވެބްސައިޓްގައިވާ ޙިދުމަތަށް އެދޭ ފަރާތްތަކުން ކުރިއާލައި އެކަމަށް އެދެވޭނެ ކަމަށްވެސް އޭނާ ވިދާޅުވިއެވެ.

މި ވެބްސައިޓުން ލިބޭ ހިދުމަތްތަކަށް ބަލާލާއިރު ބަންކަރިން، ޕައިލޮޓޭޖް ސާވިސް، ކުރޫ ޗޭންޖް، އެސްޓީއެސް (ޝިޕް ޓު ޝިޕް ސާވިސް)، ލޯންޗު ސާވިސް، ވޯޓަރ ސާވިސް، ސަޕްލައި އޮފް ޕްރޮވިޝަންސް، ލުބްރިކޭޓިން އެންޑް ހައިޑްރޯލިކް އޮއިލް ސަޕްލައި، ޔޮޓް ޑޮކިން ސާވިސް، މެއިންޓެނެންސް ސާވިސް، އަންޑަވޯޓާ ސާވިސް، ޓަގް ސާވިސް، މެރިން ސެލްވޭޖް އަދި ރިސެޕްޝަން ފެސިލިޓީސް ހިމެނެއެވެ.