މެންޗެސްޓަރ ޔުނައިޓެޑްގެ ކުޅުންތެރިއެއްކަމުގައިވާ އަމަދު ޑިއާލޯ އާ އެއްބަސްވުމެއްގައި ސޮއިކޮށް، 2030 ވަނަ އަހަރުގެ ޖޫން މަހާ ހަމައަށް އެ ކްލަބުގައި ދެމިހުންނާނެކަން ކަށަވަރުކޮށްފިއެވެ. އުމުރުން 22 އަހަރުގެ މިކުޅުންތެރިޔާގެ އެންމެފަހުގެ އެއްބަސްވުން އަންނަ ޖުލައި މަހަށް ހަމަވާއިރު، މި ސީޒަނުގައި އޭނާ ދައްކާފައިވާ ކުޅުމާއި ގުޅިގެން އޭނާގެ ކޮންޓްރެކްޓް އައުކުރުމަށް ޔުނައިޓެޑުން ވަނީ ނިންމާފައެވެ.

2021 ވަނަ އަހަރު އެޓަލާންޓާއިން ޔުނައިޓެޑަށް ބަދަލުވުމަށްފަހު ފުރަތަމަ ދުވަސްތަކުގައި ގޮންޖެހުންތަކާ ކުރިމަތިލާންޖެހުނު ނަމަވެސް، މިހާރު ޑިއާލޯ ވަނީ ޓީމުގެ މުހިންމު ބައެއްގެ ގޮތުގައި ހިމެނިފައެވެ. "އަހަރެންގެ އަމާޒަކީ ޓީމަށް އެހީތެރިވެ، އަޅުގަނޑުމެންގެ ސަޕޯޓަރުން އަނެއްކާވެސް ފަޚުރުވެރިކުރުވުމަށް ކުރެވެން ހުރި ހުރިހާ ކަމެއް ކުރުން،" ޑިއާލޯ ބުންޏެވެ.

Ad by Hajj Corporation

މިސީޒަނުގައި މިހާތަނަށް އަމަދުވަނީ 6 ލަނޑު ޖަހައި 7 އެސިސްޓް ހަދާފައެވެ. ޕްރިމިއަރ ލީގުގައި މި ސީޒަނުގެ އެންމެ ގިނަ ޑްރިބްލް (28) ފުރިހަމަކޮށްފައިވަނީވެސް ޑިއާލޯއެވެ. އަދި ބްރޫނޯ ފަރނާންޑަސް ފިޔަވައި އެންމެ ގިނަ ފުރުޞަތުތައް ހޯދައިދީފައިވަނީވެސް ޑިއާލޯއެވެ.