އދ. މިރިހި އައިލެންޑް ރިސޯޓު ކައިރީ އޮތް ސަފާރީއަކުން ވެއްޓުނު މީހަކު ގެއްލިގެން ހޯދަން ފަށައިފިއެވެ.

މިކަމާ ގުޅޭގޮތުން ޤައުމީ ދިފާޢީ ބާރުން ވިދާޅުވީ މިރިހި އައިލެންޑް ރިސޯޓް ކައިރީގައި އޮތް "ނޯތު 07" ސަފާރީއިން ދިވެއްސަކު ކަނޑަށް ވެއްޓި ގެއްލިގެން އުޅޭކަމުގެ މަޢުލޫމާތު ލިބިފައިވާ ކަމަށެވެ. އެހެންކަމުން ކޯސްޓް ގާޑްގެ ޑައިވަރުންގެ ޓީމަކާއެކު ސަފާރީ އޮތް ސަރަހައްދަށް ދިއުމަށް މާލޭ އޭރިއާ ކޯސްޓްގާޑް ސެކަންޑް ސްކޮޑްރަންއިން މިހާރު ދަތުރުކުރަމުންދާކަމަށް ޤައުމީ ދިފާޢީ ބާރުން ވިދާޅުވިއެވެ.

މިކަމާ ގުޅިގެން ދިވެހި ފުލުހުންގެ ޚިދުމަތުން ވިދާޅުވީ ގެއްލިގެން ހޯދަމުންދަނީ ނ. ހޮޅުދޫ، ސީ ވިޑް، އުމުރުން 35 އަހަރުގެ އަލީ އަރުޝާދު ކަމަށެވެ.

ފުލުހުން ވިދާޅުވީ ރޭގެ ވަގުތެއްގައި ސަފާރީގެ ޑެކް މަތީ ހުއްޓާ އަލީ އަރުޝާދު ކަނޑަށް ވެއްޓުނުތަން ތަން ސަފަރީގެ ސީސީޓީވީ ފުޓޭޖްއިން ފެނިފައިވާ ކަމަށެވެ. އަދި އޭނާ ހޯދުމަށް ސިފައިންނާއި ފުލުހުން ހަރަކާތްތެރިވަމުންދާކަމަށްވެސް ވިދާޅުވިއެވެ.

Ad by Hajj Corporation