އެމެރިކާގެ ރައީސް ޑޮނަލްޑް ޓްރަމްޕް، ރައީސްކަމާއި ހަވާލުވެވަޑައިގެންނެވުމުން އިންޑިއާގެ ބޮޑުވަޒީރު ނަރެންދްރަ މޯދީ މަރުޙަބާ ވިދާޅުވެއްޖެއެވެ.

މޯދީގެ މެސެޖުގަައި ޓްރަމްޕް ސިފަކުރަށްވާފައި ވަނީ "ލޮބުވެތި ރަޙްމަތްތެރިޔާ"ގެ ގޮތުގައެވެ. އަދި ޓްރަމްޕް ވައިޓް ހައުސްއަށް އަނބުރި ވަޑައިގަތުމާއި ގުޅިގެން މަރުޙަބާ ވިދާޅުވެފަވެއެވެ.

Ad by Hajj Corporation

"އަޅުގަނޑުމެންގެ ދެ ޤައުމަށް ފައިދާވާނެ ގޮތަށް އަދި ދުނިޔެއަށް މާ ރަނގަޅު މުސްތަޤްބަލެއް އެކުލަވާލުމަށް އަނެއްކާވެސް ގާތުން މަސައްކަތްކުރުމަށް އަޅުގަނޑު އުންމީދުކުރަމެވެ. ކުރިއަށް އޮތް ދައުރު ކާމިޔާބުވުމަށް އެދި އެންމެ ހެޔޮ އެދުންތައް އަރިސްކުރަމެވެ!" މޯދީގެ މެސެޖުގައި ވިދާޅުވެފަވެއެވެ.

ޑޮނަލްޑް ޓްރަމްޕަކީ އެމެރިކާގެ 45 ވަނަ އަދި 47 ވަނަ ރައީސްއެވެ.