logoEN
ޚަބަރު

ށ އަތޮޅުން ވ އަތޮޅަށް ރީނދޫ ސަމާލު ނެރެފި

މޫސުން ގޯސް ވާނެ ކަމަށް ލަފާކޮށް ށ އަތޮޅުން ވ އަތޮޅަށް ރީނދޫ ސަމާލު ނެރެފިއެވެ.

މޫސުމާ ބެހޭ ގައުމީ އިދާރާ އިން ބުނީ ށ އަތޮޅުން ވ އަތޮޅާ ދެމެދުގެ ސަރަހައްދަށް މިއަދު މެންދުރު ދޭއް ޖެހުމާ ހަމައަށް، ބޯކޮށް ވާރޭވެހޭނެ ކަމަށެވެ. އަދި ގުގުރުމާއެކު، ވިލާގަނޑުގައި ގަޑިއަކު 40 މޭލައަށް ވައި ގަދަވެ ކަނޑުތައް ވެސް ގަދަވާނެކަމަށް މެޓުން ވަނީ ލަފާކޮށްފައެވެ.

މީގެ އިތުރުން ލ އަތޮޅުން ފެށިގެން އައްޑޫ ސިޓީއަށް ދެމެދުގެ ސަރަހައްދަށް މިއަދު މެންދުރު 14:30 އަށް ބޯކޮށް ވާރޭވެހުމާއެކު ގުގުރުން އަދި ވިލާގަނޑުގައި ގަޑިއަކު 40 މޭލައަށް ވައި ގަދަވާނެކަމަށް ވެސް މެޓުން ވަނީ ލަފާކުރެއެވެ.

މި ދުވަސްވަަރަކީ އަނެއްކާ ވެސް ރާއްޖެއަށް ވަރަށް ވިއްސާރަ ދުވަސްވަރަކަށް ވާއިރު، ފާއިތުވެ 24 ގަޑިއިރުތެރޭގައި ގދ. ފަރެސްމާތޮޑާ އަށް 129.7 މިލިމީޓަރުގެ ވާރޭ ވަނީ ވެހިފައެވެ. އެއީ ފާއިތުވި 24 ގަޑިއިރުގެ ތެރޭގައި އެންމެ ގިނައިން ވާރޭ ވެހުނު ރަށެވެ.

ކޮމެންޓް

871x217_placeholder