logoEN
ޚަބަރު

ތިން ދުވަހުގެ ތެރޭގައި މާލެއަށް އެއް މަސްދުވަހުގެ ވާރޭ ވެހިދާނެ

މެންދުރު ޓީމްމެންދުރު ޓީމް

12 އޯގަސްޓު 2024 - 06:49

ކުރިއަށް އޮތް ތިން ދުވަހުގެ ތެރޭގައި މާލެއަށް އެއް މަސްދުވަހުގެ ވާރޭ ވެހިދާނެކަމަށް އަލްޖަޒީރާގެ އިންޓަނޭޝަނަލް ވެދަރ ރިޕޯޓިންގ އިން މިއަދު ލަފާކޮށްފިއެވެ.

އަލްޖަޒީރާގެ ވެދަރ ރިޕޯޓުގައި ބުނެފައިވާ ގޮތުގައި، ރާއްޖޭގެ ވެރިރަށް މާލެއަށް ކުރިއަށް އޮތް 72 ގަޑިއިރުގެ ތެރޭގައި އެއް މަސްދުވަހުގެ ވާރޭ ވެހުމުގެ ފުރުސަތު އޮތެވެ. ވިއްސާރަ މޫސުމުގައި އާންމުކޮށް ރާއްޖެއަށް މަހަކު 100-200 މިލިމީޓަރުގެ ވާރޭ ވެހެއެވެ.

މި ހަފުތާގައި މުޅި ރާއްޖޭގެ މޫސުން ވަރަށް ގޯސްވާނެކަމަށް ރާއްޖޭގެ މޫސުމާބެހޭ އިދާރާ، މެޓް އޮފީހުން ވެސް މިދިޔަ ހަފުތާގައި އިންޒާރުދީފައިވެއެވެ. މެޓް އޮފީހުގެ ތަފާސްހިސާބުތަކުން ދައްކާގޮތުގައި، ވޭތުވެދިޔަ 24 ގަޑިއިރުގެ ތެރޭގައި މާލެއަށް 30.8 މިލިމީޓަރު، ހުޅުލެއަށް 59.4 މިލިމީޓަރު އަދި ހުޅުމާލެއަށް 31.5 މިލިމީޓަރުގެ ވާރޭ ވެހިފައިވެއެވެ.

މި އަހަރުގެ ހުޅަނގު މޫސުމުގައި ރާއްޖޭގެ ބައެއް ސަރަހައްދުތަކަށް އާދަޔާ ޚިލާފަށް ގިނައިން ވާރޭ ވެހުމުގެ ފުރުސަތު އޮތްކަމަށް މެޓް އޮފީހުން މިދިޔަ މެއި މަހު އަންގާފައިވެއެވެ. އެ އޮފީހުގެ ލަފާގައިވާ ގޮތުން، މި އަހަރުގެ ޖޫން މަހުން ފެށިގެން ސެޕްޓެމްބަރު މަހާ ހަމައަށް އުތުރާއި މެދުރާއްޖެތެރޭގެ އަތޮޅުތަކަށް އާންމު މިންވަރަށްވުރެ އިތުރަށް ވާރޭ ވެހުމުގެ ފުރުސަތު އޮތެވެ. އެހެންނަމަވެސް، ރާއްޖޭގެ ދެކުނަށް އެ ދުވަސްވަރު ވާރޭ ވެހޭނީ އާންމު މިންވަރަށްވުރެ މަދުންނެވެ.

315x437_placeholder

ކޮމެންޓް

871x217_placeholder