ބައިނަލްއަގުވާމީ ވަކީލެއް ކަމަށްވާ ޖެރަޑް ޖެންސާ އާއި ރައްޔިތުންގެ މަޖިލީހުގެ ރައީސް، އަބްދުއްރަހީމް އަބްދުﷲ ބައްދަލު ކުރައްވައިފި އެވެ.

މިބައްދަލުކުރެއްވުން އޮތީ މިއަދު ރައްޔިތުންގެ މަޖިލީހުގެ އިދާރާގަ އެވެ.

Ad by Hajj Corporation

ޖެރަޑް ޖެންސަންއާއި މަޖިލިސް ރައީސް ބައްދަލުކުރައްވާފައި ވާއިރު އެދެބޭފުޅުން މަޝްވަރާ ކުރެއްވީ ކޮންކަންތައްތަކަކާ ގުޅެގޮތުން ކަމެއް ރައްޔިތުންގެ މަޖިލީހުން ހާމަ އެއް ނުކުރެ އެވެ.

މީގެ އިތުރުން ރައްޔިތުންގެ މަޖިލިސް ރައީސް އަބްދުއްރަހީމް މިއަދު ވަނީ ގއ. ނިލަންދޫ ކައުންސިލްގެ ބޭފުޅުންނާވެސް ބައްދަލުކުރައްވާފަ އެވެ.

ރައްޔިތުންގެ މަޖިލީހުގެ މި އަހަރުގެ ފުރަތަމަ ދައުރު ފެށުމަށް ނިންމާފައި ވަނީ މިމަހުގެ 6 ވަނަ ދުވަހު އެވެ. ޖަލްސާ އޮންނާނީ އެެ ދުވަހުގެ ހެނދުނު 9:00 ގައި ރައްޔިތުންގެ މަޖިލިސްކުރާ ގޭގައިކަމަށެވެ.

ރައްޔިތުންގެ މަޖިލީހުގެ މިދިޔ ދައުރު ނިންމާލައި މެންބަރުން ޗުއްޓީއަށް ގޮސްފައި ވަނީ މިދިޔަ ޑީސެމްބަރު މަހުގެ 12 ވަނަ ދުވަހު އެވެ.

މި އަހަރުގެ ފުރަތަމަ ދައުރުގެ ފުރަތަމަ ޖަލްސާ އަންނަ ބުރާސްފަތި ދުވަހު ބާއްވާއިރު މިދިޔަ ދައުރުގައި މަޖިލީހުގެ ދައުރުން ބޭރު ޖަލްސާތަކެއް ވަނީ ބާއްވާފަ އެވެ. މި ޖަލްސާތައް ބާއްވާފައި ވަނީ މިނިވަން މުއައްސަސާތަކަށް މެންބަރުން އައްޔަން ކުރުމަށެވެ.