ގާނޫނު އަސާސީ އަށް ބަދަލު ގެނައުމުގެ މައްސަލަ ހިފައިގެން ސުޕްރީމް ކޯޓަށް ދިޔުމުގެ ބޭނުމެއް ނެތް ކަމުގައި ރައްޔިތުންގެ މަޖިލީހުގެ މާފަންނު އުތުރު ދާއިރާގެ ކުރީގެ މެމްބަރު އިމްތިޔާޒް ފަހުމީ ވިދާޅުވެއްޖެއެވެ.

އިމްތިޔާޒް މިފަދައިން ވިދާލުވީ މެންދުރު ޓީވީ ގެ ބޮޑު ސައްލާ ޕްރޮގްރާމްގައި ވާހަކަފުޅު ދައްކަވަމުންނެވެ.

އިމްތިޔާޒް ވިދާޅުވީ ގާނޫނު އަސާސީ އަށް ގެންނަ ބަދަލެއްގައި އިތުރު ބައެއްގެ އެޕްރޫވަލް ބޭނުމެއް ނުވާނެ ކަމަށެވެ.

އިމްތިޔާޒް ވިދާޅުވީ ސުޕްރީމް ކޯޓުން ބެލޭން ކަންތައްަކާއި ނުބެލޭނެ ކަންތައްތައް އެބަ ހުރި ކަމަށެވެ . ރައްޔިތުންގެ މަޖިލީހުގަ ނިންމާ ނިންމުންތަކާއި ގުޅިގެން ސުޕްރީމް ކޯޓަށް ދެވޭނެ ހާލަތުތައް ގާނޫނު އަސާސީގައި ބަޔާންކޮށްފައިވާ ކަމުގައި އިމްތިޔާޒް ވިދާޅުވިއެވެ.

ބަސް ބުނެވޭނެ މިންވަރުވެސް އެބަ އޮތޭ ގަނޫނު އަސާސީ އިން ކަނޑައަޅާ ދީފަ، ތިމަންނަމެން މިހެން ހެދީމަ ވެސް ސުޕްރީމް ކޯޓުން ބެލިދާނެޔޭ މީއްޗާ މީއްޗާ ތާރާޒު ވޭތޯ، ކިޔާފަ އެބަ ހުރި ލިސްޓު ކޮށްލާފަ ބެލޭނެ ކަންތައްތަކާއި ނުބެލޭނެ ކަންތައްތައް، އެހެންވީމަ ނުބެލޭނެ ކަމެއްގެ ގޮތުގަ އޮތް ކަމެކޭ މި ގާނޫނު އަސާސީގެ ގެންނަ ބަދަލެއް، އެ ބަދަލަކީ ފައިނަލް ބަދަލޭ، އެ ގާނޫނު އަސާސީގެ 12 ވަނަ މާއްދާގެ އެ ބުނާ ތަރުތީބުން އެ ހިސާބަށް ގޮސްފަ ވަނީ ނަމަ އިތުރު އެކްސްޓާނަލް ބައެއް ގެ، އެޑިޝަނަލް ބައެއްގެ ،އެޕްރޫވަލް އެންޑޯސްމަންްޓް އެއް ބޭނުމެއް ނުވެޔޭ، އެހެންވީމަ އެއީ އަލުގަނޑުގެ ނުކުތާ އަކީ

މީގެ އިތުރުން އިމްތިޔާޒް ވިދާޅުވީ ގާނޫނު އަސާސީ އިން ގެންނަ ބަދަލުތަކަކީ އާދައިގެ މިންގަނޑުން ފާސްކުރާ ނިންމުން ތަކެއް ނޫން ކަމުގައެވެ. މަޖިލީހުގެ ކަނޑައަލާފައިވާ ވަރަށް ބޮޑު އަގްލަބިއްޔަތަކުން ނޫނީ ގާނޫނު އަސާސީ އެއް ފާސް ނުވާ ކަމަށް ބުޖނެ އިމްތިޔާޒް ވިދާޅުވީ ގާނޫނު އަސާސީ އިން ފާސްކުރާ ފާސްކުރުންތައް ސުޕްރީމް ކޯޓަށް ގޮސް އިތުރު އެކްސްޓާނަލް އެންޑަލްސްމަންޓް އެއް ގެނެސްގެން ހޯދަން ޖެހުމަކީ ދެރަ މައްސަލައެއް ކަމަށެވެ.

އިމްތިޔާޒް ވިދާޅުވީ މި ކަހަލަ ސުޕްރީމް ކޯޓެއް ނުވަތަ މި ފެންވަރުގައި އޮތް ރަނގަޅު ގޮތަކަށް އަމަލު ކުރާނެ ކަހަލަ ސުޕްރީމް ކޯޓެއް އޮވެދާނެ ކަމުގައި އަބަދަކު އަޅުގަނޑުމެން އުންމީދު ކޮށްގެން ނުވާނެ ކަމަށެވެ.