ރާއްޖޭގައި ކުރިއަށް ދިޔަ ކާވާ ވިމެންސް ވޮލީބޯޅަ ޗެލެންޖް ކަޕްގެ ފައިނަލްގައި ރާއްޖެ ބަލިކޮށް, ކިރްގިސްތާން މުބާރާތުގެ އެއްވަނަ ހޯދައިފިއެވެ.

ރޭ، ސޯޝަލް ސެންޓަރު އެތެރޭ ހޯލުގައި ކުޅުނު ފައިނަލުގައި ރާއްޖޭގެ އަންހެން ގައުމީ ވޯލީ ޓީމުން މޮޅު ކުޅުމެއް ދެއްކިއެވެ. ފޯރިގަދަ ފައިނަލުގައި ރާއްޖޭގެ ގައުމީ ޓިމު ބަލިވީ ތިން ސެޓު، ދެ ސެޓުންނެވެ.

އެގޮތުން އެ މެޗުގެ ފުރަތަމަ ސެޓު ކާމިޔާބުކުރީ ކްރިގިސްތާނުންނެވެ. އެ ސެޓު 25-17 އިން އެ ޓީމު ކާމިޔާބުކުރިއިރު، ފޯރިގަދަވި ދެވަނަ ހާފު ރާއްޖެއިން ކާމިޔާބުކުރީ 24-26 އިންނެވެ. ތިންވަނަ ސެޓު 25-18 އިން ކްރިގިސްތާނު ކާމިޔާބުކުރިއިރު، ހަތަރުވަނަ ސެޓު ރާއްޖެއިން ކާމިޔާބުކުރީ 12-25 އިންނެވެ. މެޗުގެ އެންމެ ފަހު ސެޓު ކްރިގިސްތާނުން ކާމިޔާބު ކުރީ 09-15 އިންނެވެ.

ރޭގެ ފައިނަލުން ރާއްޖޭގެ ޓީމުވި ބައްޔާއެކު، އެ ފައިނަލް މިވީ ފާއިތުވި ފަސް އަހަރުގެ ތެރޭގައި ރާއްޖޭގެ ވޮލީ ޓީމަށް ބައިނަލްއަގުވާމީ ފެންވަރުގައި ލިބުނު ތިންވަނަ ރިހި މެޑަލަށެވެ. އެއީ 2019 ވަނަ އަހަރު ނޭޕާލްގައި ބޭއްވި ސެންޓްރަލް ޒޯނު މުބާރާތުންނާއި، މިދިޔަ އަހަރު މާލޭގައި ބޭއްވި ފޯ ނޭޝަންސް ކަޕް އަދި މި އަހަރުގެ ކާވާ މުބާރާތުންނެވެ.

ކާވާ މުބާރާތުގައި ދިވެހި ޓީމުން މޮޅު ކުޅުމެއް ދެއްކިއެވެ. އެގޮތުން ޖުމްލަ ހަތަރު ގައުމު ވާދަކުރި އެ މުބާރާތުގައި ރާއްޖޭގެ ޓީމު ބަލިވީ ވެސް ހަމައެކަނި ކްރިގިސްތާނު އަތުންނެވެ.