މާލޭގައި ބިދޭސީއަކަށް ވަޅިން ހަމަލާދީ ރޭ ޒަޚަމްކޮށްލައިފިއެވެ.

މި މައްސަލަ ފުލުހުންގެ ޚިދުމަތަށް ރިޕޯޓްކުރެވުނީ ރޭ 11:58 ހާއިރުއެވެ.

Ad by Hajj Corporation

ފުލުހުންގެ ޚިދުމަތުން މަޢުލޫމާތު ދިންގޮތުގައި، މި ހާދިސާ ހިނގާފައިވަނީ މާލޭގެ ކުރިކީލަ މަގުގައެވެއެވެ.

މި ހަމަލާ އަމާޒުވެފައި ވަނީ ނޭޕާލު މީހަކަށެވެ.

އަނިޔާ ލިބުނު ނޭޕާލު މީހާއަށް ފަރުވާ ދިނުމަށްޓަކައި އިންދިރާ ގާންދީ މެމޯރިއަލް ހޮސްޕިޓަލަށް ގެންގޮސްފައިވާއިރު، އޭނާގެ ޙާލަތު ސީރިއަސް ނޫންކަމަށް ހޮސްޕިޓަލާއި ހަވާލާދީ ފުލުހުން ވަނީ ބުނެފައެވެ.

މި މައްސަލައާ ގުޅިގެން ފުލުހުންގެ ތަޙުޤީޤު މިހާރު ކުރިއަށްދާކަމަށް ފުލުހުންގެ ޚިދުމަތުން ހާމަކޮށްފައިވެއެވެ.