އާންމުގޮތެއްގައި މަސްތުގެ ހާލުގައި މާލޭގެ ތެރޭގައި އެކި މީހުންނަށް ދުއްތުރާކުރުމުގައި އުޅޭ މީހަކު މިއަދު ކެފޭއަކަށް ގެއްލުންދީފިއެވެ.

ފުލުހުން ބުނިގޮތުގައި މާލޭގެ ކެފޭއެއްގެ ބިއްލޫ ރެކެއް ތަޅާލި މައްސަލައެއް މިއަދު ހެނދުނު 8:56 ގައި އެ އިދާރާއަށް ރިޕޯޓްކޮށްފައިވާކަމަށެވެ.

Ad by Hajj Corporation

މި މައްސަލާގައި މިހާތަނަށް މީހަކު ހައްޔަރުކޮށްފައި ނުވާނެކަމަށާއި، ނަމަވެސް މި މައްސަލަ ބަލަމުން އަންނަކަމަށް ފުލުހުން ބުންޏެވެ.

މި ހާދިސާގެ ސީސީޓީވީ ފުޓޭޖުން ފެންނަނީ މާފަންނު ޑަންކް ފިހާރަ ކުރިމައްޗަށްވާހެން ހުންނަ ''އައިސް ބްރޭކް'' ކެފޭ އަށް މީހަކު ވަދެ، ބިއްލޫ ރެކު ކައިރީ ހުއްޓެހުރުމަށްފަހު ކުއްލިއަކަށް ފައިންޖަހައި އެ ރެކް ތަޅާލާ މަންޒަރެވެ.

މި ވީޑިއޯއިން ފެންނަނީ މަސްތުގެ ހާލުގައި ހުރެ މީހުންނާއި ފޮށި އުނދަގޫކުރަމުން އަންނަ މުހައްމަދު ރަޒީން ކިޔާ މީހެކެވެ. މީނާ ވަނީ އައިޖީއެމްއެޗް ޑިއުޓީގައި ތިބި ފުލުހުންގެ އަމުރަށް ނުކިޔަމަންތެރިވެ، ވާޖިބަށް ހުރަސްއެޅި މައްސަލާގައި މިދިޔަ އަހަރުގެ ޑިސެމްބަރު މަހު ހައްޔަރުވެސް ކޮށްފައެވެ. މި މައްސަލާގައި އޭނާގެ ބަންދަން ފަސް ދުވަސް ފުރަތަމަ ކޯޓުން ދިން ނަމަވެސް ފަހުން ވަނީ ދޫކޮށްލާފައެވެ.