ކުޑަކުދިންނަށް އެންމެ މުހިންމީ، ބޮޑެތި މީހުންގެ ލޯތްބާއި އަޅައިލުމާއި، ރަނގަޅު މަގު ދެއްކުންކަމަށް ރައީސުލްޖުމްހޫރިއްޔާގެ އަނބިކަނބަލުން ސާޖިދާ މުޙައްމަދު ވިދާޅުވެއްޖެއެވެ. 

އެކަމަނާ މިހެން ވިދާޅުވީ މިއަދު ފާހަގަކުރާ ކުޑަކުދިންގެ ދުވަހުގެ މުނާސަބަތުގައި ސޯޝަލް މީޑިއާގައި ހިއްސާކުރެއްވި ޕޯސްޓެއްގައެވެ.

މީގެ އިތުރުން ކުޑަކުދިންނަށް ބޮޑެތި މީހުންގެ ލޯތްބާއި އަޅައިލުމާއި، ރަނގަޅު މަގު ދެއްކުން މުހިއްމުކަން އެކަމަނާ ވަނީ މީގެ ކުރިންވެސް ފާހަގަކުރައްވާފައެވެ.

Ad by Hajj Corporation

އެގޮތުން ރާއްޖޭގައި ފުރަތަމަ ފަހަރަށް ފެށި "ނޭޝަނަލް ޖުވެނައިލް ޖަސްޓިސް ކޮންފަރެންސް" ފައްޓަވައިދެއްވާ ވާހަކަފުޅުދައްކަވަމުން އެކަމަނާ ވަނީ ޤާނޫނާއި ގަވާއިދުތަކާއި ޚިލާފުވެގެން، ކުޑަކުދިންނާއި ކޯޓު ރޫމްތަކުން ބައްދަލުވުމުގެ ކުރިން އެކުދިންނަށް އެހީތެރިކަން ފޯރުކޮށްދިނުމަށް އަވަސްވެގަންނަންޖެހޭކަމަށް ވިދާޅުވެފައެވެ. 

ރައީސުލްޖުމްހޫރިޔާގެ އަނބިކަނބަލުންގެ ޕޯސްޓްގައި ވިދާޅުވީ، ކުޑަކުދިންނަށް އެންމެ މުހިންމީ، ބޮޑެތި މީހުންގެ ލޯތްބާއި އަޅައިލުމާއި، ރަނގަޅު މަގު ދެއްކުންކަމަށެވެ. އަދި ދިވެހި ކޮންމެ ކުޑަކުއްޖަކަށް އުޖާލާ މާދަމާއެއް ހޯދައިދިނުމަކީ މުޅި މުޖްތަމަޢުގެ ޒިންމާއެއްކަން އެކަމަނާ ވަނީ ފާހަގަކުރައްވާފައެވެ.