އިންޑިއާއިން ރާއްޖެއަށް ބަޖެޓް ސަޕޯޓް ދިނުމާއި ގުޅިގެން ރާއްޖޭގެ ފޮރިން މިނިސްޓަރު މުސާ ޒަމީރުު، އިންޑީއާގެ ޙާރިޖީ ވަޒީރު ޑރ.ސުބްރަމަންޔަމް ޖައިޝަންކަރު އަށް ޝުކުރު އަދާ ކުރައްވައިފިއެވެ،

އެކްސް ގައި ކުރި ޕޯސްޓެއްގައި ވަޒީރު ޒަމީރު ވިދާޅުވީ މިއީ އިންޑިއާއާއި ރާއްޖޭގެ ގުޅުން އިތުރަށް ވަރުގަދަކުރަން އިންޑިއާއިން ދެއްވާ އަހައްމިއްޔަތުގެ ހެއްކެއް ކަމަށެވެ.

ސްޓޭޓް ބޭންކް އޮފް އިންޑިއާ (އެސްބީއައި) މެދުވެރިކޮށް ނަގާފައިވާ 50 މިލިއަން ޑޮލަރުގެ ޓްރެޜަރީ ބިލު ދެއްކުމުގެ މުއްދަތު އިތުރު އަހަރަކަށް އިތުރުކުރުމަށް އިންޑިއާ ސަރުކާރުން ވަނީ މިރޭ ނިންމާފައެވެ. މިއީ މިއަހަރުގެ ޓްރެޜަރީ ބިލުގެ ދެވަނަ ބައި ކަމަށްވާއިރު، ފުރަތަމަ ބައި ވަނީ 13 މެއި 2024 ގައި ރޯލްއޯވާކޮށްފައިކަމަށް ސަރުކާރުން ވަނީ ބުނެފައެވެ.

މި އެހީއަކީ އިންޑިޔާ ސަރުކާރުން ދިވެހި ސަރުކާރާމެދު ޒަމާނުއްސުރެ ދޭ އަހަންމިއްޔަތުކަން އަނެއްކާ ވެސް ދައްކުވައިދޭ ރަމްޒެއް ކަމަށް ދިވެހި ސަރުކާރުން ވަނީ ހާމަކޮށްފައެވެ. އަދި މި ސަރުކާރުން އުންމީދުކުރަނީ، ދެ ޤައުމުގެ ރައްޔިތުންގެ ލާބައާއި ތަނަވަސްކަމަށްޓަކައި، މި ގުޅުން އިތުރަށް ބަދަހިވާނެ ކަމަށެވެ..