ށ.މަރޮށި ކައުންސިލަށް އެކްސްކަވޭޓަރެއް ސަޕްލައިކޮށްދޭނެ ފަރާތެއް ހޯދަން އިޢުލާން ކޮށްފިއެވެ.

އެ ރަށު ކައުންސިލުން ގެޒެޓް ކޮށްފައިވާ އިއުލާނުގައި ބުނެފައިވަނީ މިކަމަށް ހުށަހެޅުމުގެ ފުރުޞަތު ހުޅުވާލެވިފައިވަނީ ވިޔަފާރި ރަޖިސްޓްރީ ކުރުމުގެ ޤާނޫނު (ޤާނޫނު ނަމްބަރު2014/18) ގެ ދަށުން ރަޖިސްޓްރީ ކުރެވިފައިވާ ފަރާތްތަކަށް ކަމަށާއި، އަދި މިކަމަށް އެދި ހުށަހަޅާ އެއްވެސް ފަރާތަކީ މަރޮށި ކައުންސިލަށް އެއްވެސް ފައިސާއެއް ދައްކަންޖެހި ނުދައްކަވާ އޮތް ފަރާތަކަށް ވެގެންނުވާނެ ކަމަށެވެ.

މީގެ އިތުރުން، މި ބީލަމުގައި ރަޖިސްޓްރީވުމަށް ބޭނުންވާ ފަރާތްތަކުން [email protected]  އަށް 2025 ޖުލައި 08 ވާ އަންގާރަ ދުވަހުގެ 13:00 ގެ ކުރިން އީމެއިލް ކުރުމަށްވެސް މި އިޢުލާނުގައި ވަނީ އެދިފައެވެ. މި ބީލަމާ ގުޅޭގޮތުން އިތުރު ޕްރީބިޑް ބައްދަލުވުމެއް ބޭއްވުމަށް ހަމަޖެހިފައެއް ނުވާ ކަމަށްވެސް އެ އިޢުލާނުގައި ބުނެފައިވެއެވެ.

މަރޮށި ކައުންސިލްގެ އިޢުލާން: https://www.gazette.gov.mv/iulaan/348610

 ބީލަން ހުޅުވުން ކުރިއަށް ގެންދިއުމަށް ނިންމާފައިވަނީ، 2025 ޖުލައި 17 ވާ ބުރާސްފަތި ދުވަހުގެ 13:00 ގައި އެ ރަށު ކައުންސިލްގެ އިދާރާގައެވެ.