ކަރަންޓު ވިއުގަ އަޕްގްރޭޑް ކުރުމުގެ މަސައްކަތާ ގުޅިގެން މިއަދު ހަވީރު މާލޭގެ ބައެއް ސަރަހައްދުތަކުން ކަރަންޓު ކެނޑިދާނެކަމަށް ސްޓޭޓް އިލެކްޓްރިކް ކޮމްޕެނީ (ސްޓެލްކޯ) އިން ބުނެފިއެވެ.

ސްޓެލްކޯއިން މައުލޫމާތު ދީފައިވާ ގޮތުގައި ކަރަންޓު ކެނޑިދާނެ ސަރަހައްދުތަކުގެ ތެރޭގައި ފަރީދީމަގު، ޗަމްޕާ މަގު، ފަނޑިޔާރު މަގު، މަޖީދީމަގު، އޯކިޑް މަގު އަދި ޖަހާމުގުރި ގޯޅި ހިމެނެއެވެ.

Ad by Hajj Corporation

މި ސަރަހައްދުތަކުން ކަރަންޓު ކެނޑިދާނެ ކަމަށް ލަފާކުރެވެނީ މިއަދު ހަވީރު 16:00 އާއި 16:30 އާ ދެމެދުގެ ވަގުތެއްގައެވެ. އަދި މި މަސައްކަތާ ގުޅިގެން ދިމާވެދާނެ ދަތިތަކަށް ސްޓެލްކޯއިން ވަނީ މަޢާފަށް އެދިފައެވެ.

ކަރަންޓު ވިއުގަ އަޕްގްރޭޑް ކުރުމުގެ މަސައްކަތަކީ ރައްޔިތުންނަށް ފޯރުކޮށްދޭ ކަރަންޓުގެ ޚިދުމަތް އިތުރަށް ހަރުދަނާކޮށް ރަނގަޅު ފެންވަރެއްގައި ދެމެހެއްޓުމަށް ކުރެވޭ މަސައްކަތެކެވެ.