ކުރަންޖެހޭހުޅުމާލެ 50 މެގަވޮޓް އިންޖީނުގެ ނިއްވާލައިފި

ކޮންމެހެން ކުރަންޖެހޭ މުހިންމު މޭޖަރ މަސައްކަތެއް ކުރުމަށް ހުޅުމާލެ 50 މެގަވޮޓް އިންޖީނުގެ މިއަދު ނިއްވާލައިފިއެވެ. މި މަސައްކަތާ ގުޅިގެން މާލެ އާއި ހުޅުމާލޭގެ ބައެއް ސަރަހައްދުތަކުން ކަރަންޓު ވަނީ ކަނޑާލާފައެވެ.

Ad by Hajj Corporation

ސްޓޭޓް އިލެކްޓްރިކް ކޮމްޕެނީ ލިމިޓެޑް (ސްޓެލްކޯ) އިން މިއަދު ހެނދުނު 6:05 ގައި ބުނެފައިވަނީ ހުޅުމާލޭގެ 50 މެގަވޮޓްގެ އިންޖީނުގޭގައި ކުރުމަށް ހަމަޖެހިފައިވާ މެޖަރ މަސައްކަތްތަކާ ގުޅިގެން އިންޖީނުގެ ނިއްވާލުމަށް ތައްޔާރުވެފައިވާ ކަމަށެވެ. އަދި މި މަސައްކަތާ ގުޅިގެން މާލެއާއި ހުޅުމާލޭގެ ލޯޑަށް ބަލައި، ލޯޑް ޝެޑިންގ ނުވަތަ އެކި ސަރަހައްދުތަކުން ކަރަންޓުގެ ހިދުމަތް މެދުކެނޑުމުގެ މަސައްކަތްތައް ކުރިއަށް ގެންދާނެ ކަމަށް ވެސް އެ ކުންފުނިން ބުނެފައިވެއެވެ.

ސްޓެލްކޯއިން ހެނދުނު 6:21 ގައި ދިން އަޕްޑޭޓެއްގައި ބުނެފައިވަނީ، "މިވަގުތު ހިނގަމުންދާ ހުޅުމާލޭ އިންޖީނުގޭގެ މޭޖަރ މަސައްކަތައް ހުޅުމާލެ 50 މެގަވޮޓް އިންޖީނުގެ މިހާރު ވަނީ ނިއްވާލާފައި" ކަމަށެވެ. އަދި މިކަމާ ގުޅިގެން މާލޭގެ 11.8 އިންސައްތަ އަދި ހުޅުމާލޭގެ 5.8 އިންސައްތަ ކަސްޓަމަރުންނަށް ވަނީ ކަރަންޓުގެ ހިދުމަތް މެދުކެނޑިފައި ކަމަށް ވެސް އެ ކުންފުނިން ބުނެފައިވެއެވެ.

ސްޓެލްކޯއިން އިތުރަށް ބުނެފައިވަނީ މިވަގުތު ހިދުމަތް މެދުކެނޑިފައިވާ ކަސްޓަމަރުންނަށް ގަޑިއެއްހާއިރުތެރޭ އަލުން ކަރަންޓު ލިބޭނެ ކަމަށެވެ. އަދި މި މަސައްކަތާ ގުޅިގެން ރައްޔިތުންނަށް ދިމާވާނެ ދަތިތަކަށް އެ ކުންފުނިން ވަނީ މަޢާފަށް އެދިފައެވެ. މުހިންމު ހުޅުމާލެ 50 މެގަވޮޓް އިންޖީނުގެ ނިއްވާލައިފިކޮންމެހެން ކުރަންޖެހޭ މުހިންމު މޭޖަރ މަސައްކަތެއް ކުރުމަށް ހުޅުމާލެ 50 މެގަވޮޓް އިންޖީނުގެ މިއަދު ނިއްވާލައިފިއެވެ. މި މަސައްކަތާ ގުޅިގެން މާލެ އާއި ހުޅުމާލޭގެ ބައެއް ސަރަހައްދުތަކުން ކަރަންޓު ވަނީ ކަނޑާލާފައެވެ.