މާދަމާ ހެނދުނު ހެންވޭރާއި މާފަންނުގެ ސަރަހައްދުތަކުން ކަރަންޓު ކެނޑުމަކީ އެކަށީގެން ވާކަމެއް ކަމަށް ސްޓެލްކޯއިން ބުނެފިއެވެ.

ސްޓެލްކޯއިން ބުނީ އެކުންފުނީގެ ޑިސްޓްރިބިއުޝަން ނެޓްވޯކުގައި ކޮންމެހެން ކުރަންޖެހޭ މަސައްކަތެއް ކުރުމަށްޓަކައި، ހެންވޭރު އަދި މާފަންނުންގެ ސަރަހައްދުތަކުން ކުޑަ ވަގުތުކޮޅަކަށް ކަރަންޓު ކެނޑުމަކީ އެކަށީގެންވާ ކަމެއް ކަމަށެވެ.

Ad by Hajj Corporation

އެގޮތުން ކަރަންޓު ކެނޑޭނެ ކަމަށް އެކުންފުނިން ބުނީ މާދަމާ ހެނދުނު 6:00 އިން 6:30 އާއި ދެމެދުގެ ވަގުތުގައި ކަމަށެވެ.

މިގޮތަށް ލޯޑް ޝެޑް ނުވަތަ ކަރަންޓު ކެނޑުމުގެ ކުރިން އެސް.އެމް.އެސް މެދުވެރިކޮށް ކަސްޓަމަރުންނަށް ކަރަންޓު މެދުކެނޑޭނެ ވަގުތުތަކާއި ސަރަޙައްދުތައް ދުރާލާ ދަނީ އަންގަމުންނެވެ.

އެކުންފުނީގެ އަމާޒަކީ މި މަސައްކަތް ތާވަލުކުރެވިފައިވާ ގަޑިގެ ކުރިން ނިންމައި، ވީއެންމެ އަވަހަކަށް އާންމު ހާލަތަކަށް ކަރަންޓުގެ ޚިދުމަތް ގެނައުމަށްކަމަށް ސްޓެލްކޯއިން ބުނެއެވެ. އަދި މިކަމަށްޓަކާ ދިމާވެދާނެ ދަތިތަކަށްޓަކާ ސްޓެލްކޯއިން މާފަށްއެދެއެވެ.