މިއަދު ހެނދުނު މާލެ އާއި ހުޅުމާލެއިން ކަރަންޓް ކެނޑުނު މައްސަލައިގައި، މިހާރު މާލޭގެ ބައެއް ސަރަހައްދުތަކަށް ކަރަންޓް ދީފައިވާކަމަށް ސްޓޭޓް އިލެކްޓްރިކް ކޮމްޕެނީ (ސްޓެލްކޯ) އިން މަޢުލޫމާތު ދީފިއެވެ.

ޓެކްނިކަލް މައްސަލައެއް ދިމާވެގެން މާލެ އާއި ހުޅުމާލެއިން ކަރަންޓް ކެނޑުނީ މިއަދު ހެނދުނު 9:35 ގައެވެ.

Ad by Hajj Corporation

 "ކަރަންޓް އަލުން ދެމުން ދަނީ، މިހާރު މާލޭގެ ބައެއް ސަރަހައްދުތަކަށް ކަރަންޓް ލިބޭނެ" ކަމަށް ސްޓެލްކޯއިން ބުނެފައިވެއެވެ.

ކަރަންޓް ކެނޑުމާއެކު، މައްސަލަ ދެނެގަތުމަށާއި ހައްލުކުރުމުގެ މަސައްކަތް ވަގުތުން ފެށިކަމަށް ސްޓެލްކޯއިން ބުނެފައިވެއެވެ. ނަމަވެސް، މާލެ އާއި ހުޅުމާލެއިން ކަރަންޓް ކެނޑުނު ސަބަބު އަދި ސްޓެލްކޯއިން ހާމަކޮށްފައެއް ނުވެއެވެ.