މ. މުލީގައި ނޭޗާ ޕާކެއް ތަރައްގީކޮށް ހެދުމުގެ މަސައްކަތް އަމިއްލަ ތަކެތީގައި ކޮށްދޭނެ ފަރާތެއް ހޯދުމަށް އިއުލާނުކޮށްފިއެވެ.

މުލީ ކައުންސިލުން ކުރި އިއުލާނުގައި ވަނީ ނޭޗާ ޕާކް ތަރައްގީކޮށް ހެދިފައި ހުންނަން ވާނީ ކައުންސިލުން ދޭ މައުލޫމާތާއި ކުރެހުމާ އެއްގޮތަށް ކަމަށެވެ. އެ މަސައްކަތް ކުރިޔަށް ގެންދިއުމަށް ބޭނުންވާ ގޮތުގެ ކުރެހުން ހިމަނާފައިވާނެ ކަމަށް ވެސް އިއުލާނުގައިވެއެވެ. އެ ނޭޗާ ޕާކް ތަރައްގީ ކުރަނީ ކަންޒުކަހަނބު ފެންގަނޑު އޮތް ސަރަހައްދުގައެވެ.

Ad by Hajj Corporation

ނޭޗާ ޕާކް ތަރައްގީކުރާ ޗަކަ ބިމުގެ ގޮތުގައި ކުރެހުމުގައި ފާހަގަ ކުރެވިފައިވާ ސަރަހައްދު ދެ ފޫޓު ފުންމިނަށް ކޮންނަންވާނެ ކަމަށާއި ކުރެހުމުގައިވާ ގޮތަށް ވޯކުވޭގެ މަސައްކަތް ކުރެވެމުންދާއިރު ބޮޑު ގަހަކާ ދިމާވެއްޖެނަމަ ގަސް ނުކަނޑާ ވޯކްވޭއަށް ބަދަލުގެންނަންވާނެ ކަމަށް އިއުލާނުގައިވެއެވެ. އަދި ނޭޗާ ޕާކް ތަރައްގީކޮށް ހެދުމުގެ މަސައްކަތް ހިނގަމުންދާއިރު މަސައްކަތް ކުރުމަށް ކަނޑައަޅާ ސަރަހައްދު ބޭރުން ނުފެންނަ ގޮތަށް ބަންދުކުރެވެންވާނެ ކަމަށް ވެސް އިއުލާންގައިވެއެވެ.

އިއުލާނުގައި ވަނީ އެ މަސައްކަތް ކުރުމަށް ބީލަން ހުށަހެޅުމުގެ ފުރުސަތު ހުޅުވާލެވިފައިވަނީ، އަމިއްލަ ފަރުދުންގެ ވިޔަފާރީގެ ގާނޫނުގެ ދަށުން ރަޖިސްޓްރީ ކޮށްފައިވާ ފަރާތްތަކަށާއި، ވިޔަފާރި ރަޖިސްޓްރީ ކުރުމުގެ ގާނޫނު ގެ ދަށުން ރަޖިސްޓްރީ ކޮށްފައިވާ ފަރާތްތަކަށް ކަމަށެވެ.

އަމިއްލަ ތަކެތީގައި މިމަސައްކަތް ކުރުމަށް ޝައުގުވެރިވާ ފަރާތްތަކުން މި މަހުގެ 10 ވަނަ ދުވަހުން ފެށިގެން 14 ވަނަ ދުވަހުގެ 13:00 ގެ ކުރިން ގެޒެޓްކުރެވިފައިވާ ރަޖިސްޓްރޭޝަން ފޯމް ފުރިހަމަ ކުރުމަށް ފަހު، އީމެއިލް ކުރުމަށް އިއުލާނުގައިއިވެއެވެ. ނުވަތަ ރަޖިސްޓްރޭޝަން ފޯމް އެ އިދާރާގެ ކައުންޓަރުން ނަގައި ފުރިހަމަ ކުރުމަށް ފަހު ހުށަހެޅޭނެކަމަށް ވެސް މުލީ ކައުންސިލުގެ އިއުލާންގައިވެއެވެ.

އަދި އިއުލާނުގައި ވަނީ ޝައުގުވެރިވާ ފަރާތްތަކުން އޮގަސްޓް މަހުގެ 28 ވަނަ ދުވަހުގެ 13:00 އަށް މުލީ ކައުންސިލް އިދާރާއަށް ވަޑައިގެން އަންދާސީ ހިސާބު ހުށަހެޅުމަށް އެދޭ ކަމަށެވެ.