ކ. ތުލުސްދޫގެ ޖަނަރޭޓަރު ސެޓް އޯވަހޯލްކޮށް ނިންމުމަށްފަހު އަލުން ބޭނުންކުރަން ފަށައިފިއެވެ.

މިއީ 800 ކިލޯވޮޓްގެ ޖަނަރޭޓަރު ސެޓެކެވެ.

Ad by Hajj Corporation

ސްޓެލްކޯއިން ބުނީ، އެ ރަށުގެ ރައްޔިތުންނަށް މެދުނުކެނޑި ކަރަންޓުގެ ޚިދުމަތް ފޯރުކޮށްދިނުމަށް ކުރަމުންދާ މަސައްކަތްތަކުގެ ތެރެއިން މި ޖަނަރޭޓަރު ސެޓް އޯވަހޯލްކޮށް ނިންމާފައިވާ ކަމަށެވެ.

ސްޓެލްކޯގެ ފަރާތުން އިތުރަށް ހާމަކޮށްފައިވަނީ، ރައްޔިތުންނަށް ދެމުންގެންދާ ކަރަންޓުގެ ޚިދުމަތް އޭގެ އެންމެ ފުރިހަމަ ގޮތުގައި ފޯރުކޮށްދިނުމަށް އަބަދުވެސް މަސައްކަތް ކުރަމުންދާ ކަމަށެވެ.

ޖަނަރޭޓަރު ސެޓް އޯވަހޯލްކޮށް ނިންމުމާއެކު، ތުލުސްދޫގެ ކަރަންޓުގެ ޚިދުމަތް އިތުރަށް ހަރުދަނާވެ، ކަރަންޓު ކެނޑުމުގެ މައްސަލަތައް މަދުވެގެންދާނެ ކަމަށް އުއްމީދު ކުރެވެއެވެ.