ބޭންކް އޮފް މޯލްޑިވްސް (ބީއެމްއެލް) އިން ނެގި ދެ ލޯނެއް ނުދައްކައިގެން، މާލޭގެ ދެ ގެއެއް ވިއްކަން އިއުލާންކޮށްފިއެވެ.

ބޭންކުން ވިއްކާލަން އިއުލާންކޮށްފައިވަނީ "މ. ބީޗްކޯނަރ" އަދި "މ. ނާއިންފަރުއާގެ" އެވެ. މި ދެ ވިއްކަން ނިންމާފައިވަނީ އެ ބޭންކުން ނެގި ދެ ލޯނަކަށް ފައިސާ ނުދައްކައިފެން ކަމަށް ބޭންކުން ނެރުނު ބަޔާނެއްގައި ބުންޏެވެ.

Ad by Hajj Corporation

އެ ގެތަކުގެ ތެރެއިން އެންމެ ފުރަތަމަ ވިއްކަން އިއުލާންކުރީ މ. ނާއިންފަރުއާގެއެވެ. އެގެއަކީ 792 އަކަފޫޓުގެ ގެއަކަށް ވާއިރު، އެ ގެ ނީލަމުގައި ވިއްކުމަށް ފެށޭ އަގަކީ 13 މިލިއަން ރުފިޔާއެވެ. އެ ގެ ގަތުމުގެ ނީލަން ހަމަވާނީ އަންނަ މަހުގެ 10ވާ ބުރާސްފަތި ދުވަހުގެ މެންދުރު 12އަށެވެ.

ބޭންކުން މިއަދު އިއުލާންކުރީ މ. ބީޗްކޯނަރ އަކީ 927 އަކަ ފޫޓުގެ ގޯއްޗެކެވެ. އެ ގެ ނީލަމުގައި ވިއްކަން ފެށޭ އަގަކީ 23.8 މިލިއަނަށް ވާއިރު، އެ ގެ ގަތުމުގެ ނީލަން ހަމަވާނީ މި އަންނަ މަހުގެ 15ވާ އަންގާރަ ދުވަހުގެ މެންދުރު 12އަށެވެ.

ބޭންކުން ބުނި ގޮތުގައި، އެ ނީލަންތައް ހުށަހެޅުމުގެ މުއްދަތާ ހަމައަށް ސިޓީ ހުށަހެޅި ފަރާތްތަކުގެ ތެރެއިން، ބީލަން ހުޅުވާ ތަނުގައި އެ ވަގުތު ހާޒިރުވެތިބި ފަރާތްތަކުގެ ހާޒިރުގައި ސިޓީތައް ކަނޑައި އެންމެ މަތީ އަގު އިއުލާން ކުރެވޭނެ ކަމަށެވެ. އަދި އެ ނީލަމެއް ނިންމާނީ، އެ ނީލަމެއްގެ އެންމެ މަތީ އަގު ކަމުގައި އިއުލާނު ކުރެވޭ އަގަށް ބަދަލެއް ނައިސް، އިއުލާން ކުރެވޭ ތާރީޚުން ފެށިގެން ފަސް ދުވަސް ވަންދެން، އެއް އަގެއްގައި އޮތުމުން ކަމަށް ވެސް އެ ބަޔާނުގައި ބުންޏެވެ.