ރައީސުލްޖުމްހޫރިއްޔާގެ އޮފީހުގެ ރަސްމީ ޔޫޓިއުބް ޗެނަލްއަށް ވީގޮތް ފުލުހުންގެ ސައިބާ ސެކިއުރިޓީން ބަލަމުން އަންނަކަމަށް އެ އޮފީހުން ބުނެފިއެވެ.

ރައީސް އޮފީހުގެ ޔޫޓިއުބް ޗެނަލް ނުދައްކާއިރު ރައީސުލްޖުމްހޫރިއްޔާ މުހައްމަދު މުއިއްޒު އަތޮޅުތެރެއަށް ކުރައްވަމުން ގެންދަވާ ދަތުރުގެ ވީޑިއޯތައް އެ ޗެނަލުން ދަނީ ލައިވްކުރަމުންނެވެ. ރައީސުލްޖުމްހޫރިއްޔާގެ އޮފީހުގެ ރަސްމީ ޔޫޓިއުބް ޗެނަލުން ރައީސްގެ ދަތުރުފުޅުތަކުގެ މައުލޫމާތު ގެނެސްދެމުން ދަނިކޮށް އެ ޗެނަލް ހެކުކުރުމަށްފަހު ކްރިޕްޓޯ ކަރަންސީ އާއި ޓްރޭޑް ކުރުމާ ގުޅޭ ވީޑިއޯ ތަކެއް ވަނި އާއްމުކޮށްފައެވެ.

Ad by Hajj Corporation

މިކަމާ ގުޅިގެން ރައީސް އޮފީހުގެ ތަރުޖަމާނު ހީނާ ވަލީދު މެންދުރަށް ވިދާޅުވީ ރައީސުލްޖުމްހޫރިއްޔާގެ އޮފީހުގެ ރަސްމީ ޔޫޓިއުބް ޗެނަލްއަށް ވީގޮތް ފުލުހުންގެ ސައިބާ ސެކިއުރިޓީން ބަލަމުން އަންނަކަމަށާއި ވީގޮތް ސާފުކޮށް އިތުރު މައުލޫމާތު ލިބޭނީ ފުލުހުންގެ ތަހުގީގު ނިމުމުންކަމަށެވެ.

ރައީސް އޮފީހުގެ އެ ޔޫޓިއުބް ޗެނަލްއަކީ ދައުލަތުގެ ގިނަ އަދަދެއްގެ ވީޑިއޯ އާކައިވް ކޮށްފައިވާ މުހިންމު ޗެނަލްއެކެވެ.