މަސްވެެރިންނަން ދޭންޖެހޭ 17.3 މިލިއަން ރުފިޔާ މިއަދު ޖަމާކުރާނެ ކަމަށް މިފްކޯ އިން ބުނެފިއެވެ.

މިއަދު ދޫކުރަން ހަމަޖެހިފައިވަނީ މިދިޔަ އޯގަސްޓު މަހުގެ 24ވަނަ ދުވަހުން މި މަހުގެ 25 ވަނަ ދުވަހުގެ ނިޔަލަށް މިފްކޯއަށް ކިރާފައިވާ މަހުގެ ފައިސާ އެވެ. އެއީ ގާތް ގަނޑަކަށް 17,350,903 ރުފިޔާކަމަށް މިފްކޯއިން މަޢޫލޫމާތު ދެއެވެ.

މަސްވެރިންނަށް ދޭންޖެހޭ ފައިސާގެ ތެރެއިން "ބެކްލޮގް"ގައި ހުރި ފައިސާ އެއްކޮށް ދައްކާ ޚަލާސްކޮށްފައިވާ ކަމަށް ވެސް އެކުންފުނިން ބުނެއެވެ.

މި ސަރުކާރު ވެރިކަމާ ހަވާލުވިއިރު މަސްވެރިންނަށް ނުދީ ހުރި ގިނަ އަދަދެއްގެ ފައިސާ މިފްކޯއިން ވަނީ ދައްކާ ޚަލާސްކޮށްފައެވެ. މިފްކޯ އިން ވަނީ މަސްވެރިންނަށް ބޭނުންވާ ޖާގަ ހުޅުމާލެ ބަނދަރު ސަރަހައްދުން ހޯދުމަށް އެޗްޑީސީއާއެކުވެސް މަޝްވަރާތައް ކުރިއަށް ގެންގޮސްފައެވެ.

މިފްކޯގެ ކާރުޙާނާގައި މަސް ބަންދުކުރަނީ

މީގެ އިތުރުން މިފްކޯގެ އުފެއްދުންތައް މެދުކެނޑުމެއް ނެތި ލިބޭނެ އިންތިޒާމު ހަމަޖެއްސުމަށް 2 ރީފާ ކޮންޓެއިނަރ ބެހެއްޓުމުގެ މަސައްކަތް ވެސް މިހާރު ވަނީ ފަށާފައެވެ. މިއީ މިފްކޯގެ އުފެއްދުންތައް ބާޒާރުން ލިބުމުގައި ހުރި ދަތިތަކަށް ހައްލެއް ހޯދުމުގެ ގޮތުން އެކުންފުނިން ފެށި މަސައްކަތެކެވެ.