މިފްކޯއިން ގައްދޫގައި ގާއިމްކުރި އައިސްޕްލާންޓު އަޕްގްރޭޑްކޮށް އަލުން ޚިދުމަތްދޭން ފަށައިފި އެވެ.

މިފްކޯއިން މީޑިއާއަށް ފޮނުއްވި މެސެޖެއްގައި ބުނީ، ގައްދޫ އައިސްޕްލާންޓުން ދުވާލެއްގެ މައްޗަށް 50 ޓަނުގެ ފްލޭކްސް އައިސް އުފެއްދޭނެ ކަމަށެވެ.

މިފްކޯއިން ބުނީ، މި އައިސްޕްލާންޓުގެ ސަބަބުން މަސްވެރިންނަށް ވަރަށް ބޮޑު ލުއިފަސޭހަތަކެއް ލިބިގެންދާނެ ކަމަށެވެ.

ގައްދޫގައި އައިސްޕްލާންޓުގެ ޚިދުމަތް އަލުން ފަށާފައިވާއިރު، މިފްކޯއިން މިހާރުވެސް ރާއްޖޭގެ ފަސް ރަށެއްގައި އައިސްޕްލާންޓް އޮޕްރޭޓް ކުރަމުންނެވެ.

މިފްކޯއިން މިހާރު އޮޕްރޭޓްކުރަމުން އަންނަ އައިސްޕްލާންޓުތައް:

• ހއ. ހޯރަފުށީ- 25 ޓަން
• މަޑުއްވަރި - 25 ޓަން
• 3. ގައްދޫ - 50 ޓަން
• ތިނަދޫ - 50 ޓަން
• ފުވައްމުލައް- 25 ޓަން

މިފްކޯއިން ދަނީ ފެނަކައިގެ ބެލުމުގެ ދަށުން އޮޕަރޭޓް ކުރަމުން އަންނަ 18 އައިސް ޕްލާންޓާ ހަވާލުވުމުގެ އެންމެ ފަހުގެ ތައްޔާރީތައްވެސް ވަމުންނެވެ. ރާއްޖޭގެ އެކި ސަރަހައްދުތަކުގައި ގާއިމްކުރާ އައިސް ޕްލާންޓުގެ ސަބަބުން މަސްވެރިންނަށް އިތުރު ލުއިފަސޭހަތަކެއް ލިބިގެންދާނެއެވެ.