މަސައްކަތުގެ މާޙައުލުގައި މަސައްކަތްތެރީންގެ ސަލާމަތަށް އިސްކަން ދެއްވުމަށް ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު އިލްތިމާސްކުރައްވައިފިއެވެ.

އެމަނިކުފާޏު މިފަދައިން އިލްތިމާސްކުރެއްވީ، އެމްޕީއެލް ބަނދަރު ސަރަހައްދު ކައިރިން ކޮޅުވެއްޓިއެއް ބަންޑުން ޖަހާލި ހާދިސާގައި މީހުންނަށް ތަޢުޒިޔާ ވިދާޅުވެ އެކްސްގައި ހިއްސާކުރެއްވި ޕޯސްޓެއްގައެވެ.

Ad by Hajj Corporation

ރައީސްގެ ޕޯސްޓުގައި ވަނީ، އެމްޕީއެލް ބަނދަރު ސަރަހައްދާ ކައިރިން ކޮޅުވެއްޓިއެއް ބަންޑުން ޖަހާލި ހާދިސާގައި ޢަލީ އަފްލާޙް ޢަބްދުﷲ އާއި މަސްޢޫދު ޙުސައިން ނިޔާވުމާއި ގުޅިގެން އެމީހުންގެ އާއިލާއާއި، އެމްޕީއެލްގެ ކުންފުނީގެ ވެރީންނާއި މުވައްޒަފުންނަށް ތަޢުޒިޔާ ވިދާޅުވެފައެވެ. އަދި ނިޔާވި މީހުންނަށް ސުވަރުގޭގެ ދާއިމީ ނިޢުމަތް ދެއްވުންއެދި ވަނީ ދުއާކުރައްވާފައެވެ.

މިދިޔަ އާދީއްތަ ދުވަހު މާލޭ ވިޔަފާރި ބަނަދަރު ކައިރިން ސަރަޙައްދާ ދިމާއިން ކޮޅުވެއްޓިއެއް ބަންޑުން ޖަހާލި ހާދިސާގެ އެތެރޭ ތަހުޤީގެއް ފަށާފައިވާކަމަށް އެމްޕީއެލްއިން މައުލޫމާތުދެއެވެ. އަދި މި ހާދިސާގައި ބަޔަކު ނިޔާވުމުގެ އިތުރުން، އިތުރު ބަޔަކަށް ވަނީ އަނިޔާވެގެން ހޮސްޕިޓަލުގައި ފަރުވާދީފައެވެ.