އިސްރާއިލުން އީރާނަށް ހަމަލާ ދިނުމާއި ގުޅިގެން ސުލްހަ ގާއިމްކުރުމަށް ގޮވާލެއްވުމުން ޔޫއެންގެ ސެކްރެޓަރީ ޖެނެރަލް އެންޓޯނިއޯ ގުޓަރޭޒް މަގާމުން އިސްތިއުފާ ދިނުމަށް އިސްރާއީލުގެ ކުރީގެ ބޮޑުވަޒީރު ނަފްތާލީ ބެނެޓް ގޮވާލައިފިއެވެ. އޭނާ މިފަދައިން ގޮވާލީ ސީއެންއެންގެ "ވުލްފް ބްލިޓްޒާ" ޕްރޮގްރާމް ގައި ވާހަކަ ދައްކަމުންނެވެ.

ނަފްތާލީ ހާމަކުރިގޮތުގައި ޔޫއެންގައި ގެންގުޅެނީ ޖަންގަލީގެ އުސޫލެވެ. ނަފްތާލީ ބުނީ އިސްރާއީލުން އީރާނަަށް މިހާތަނަށް އެއްވެސް ސިފައެއްގައި ހަމަލާ އެއްދީފައި ނުވާނެ ކަމަށާއި އީރާނުން އިސްރާއީލަށް ހަމަލާ ދޭންޖެހޭ އެއްވެސް ސަބަބެއް ނެތްކަމަށެވެ. ޔޫއެން އިން އަމަލު ކުރަނީ އިންސާފުގެ މަގުން އެއްކިބާވެގެން ކަމަށް ބުނެ ނަފްތާލީ ވަނީ ޔޫއެން އަކީ ބަލިކަށި ތަނެއްގެ ގޮތުގައި ސިފަކޮށްފައެވެ.

Ad by Hajj Corporation

ރޭ އީރާނުން ވަނީ ވައިގެ މަގުން އިސްރާއީލަށް 300 ހައިޕަސޮނިކް މިސައިލް ބޭނުންކޮށްގެން ވަރުގަދަ ހަމަލާތަކެއްދީފައެވެ. އީރާނުގެ އަސްކަރީ އޮފިޝަލުން މައުލޫމާތު ދިންގޮތުގައި މިއީ އީރާނަށް ލިބިފައިވާ ގާބިލުކަމުގެ ކުޑަ އިންސައްތައެކެވެ. އިސްރާއީލަށް ފަސޭހަވާނީ ކުޑަކުދިންނާއި އަންހެނުންނަށް ހަމަލާ ދިނުމަށް ކަމަށާއި އީރާނުގެ ހައިޕަސޮނިކް މިސައިލްތައް ހުއްޓުވުމުގެ މާބޮޑު ގާބިލުކަމެއް އިސްރާއިލުގެ އަސްކަރިއްޔާއަށް ލިބިގެން ނުވާކަމަށް ވެސް އީރާނުގެ ރައީސް ވަނީ ވިދާޅުވެފައެވެ.

އިޒްރޭލުގެ އަސްކަރިއްޔާއިން ބުނީ އީރާނުން ފޮނުވާލި ގިނަ މިސައިލްތަކެއް އިޒްރޭލުގެ ވައިގެ އަސްކަރިއްޔާގެ މަރުކަޒުތަކުގެ ތެރެއަށް އަމާޒުވި ނަމަވެސް އެއްވެސް މީހަކަށް ގެއްލުމެއް ލިބިފައި ނުވާ ކަމަށެވެ. މި ހަމަލާތައް ދިފާއު ކުރުމަށް އެމެރިކާގެ ދެ އަސްކަރީ މަތިންދާ ބޯޓާއި ވައިގެ މަގުން ތެޔޮ އަޅާ ޓޭންކަރެއް އިއްޔެ ބައިވެރިވި ކަމަށް އިނގިރޭސިވިލާތުން ވަނީ ބުނެފައެވެ. ނަމަވެސް އެއްވެސް ހަމަލާއެއްގައި އަމަލީ ގޮތުން ބައިވެރިވެފައިނުވާނެ ކަމަށާއި އެމެރިކާގެ ބޭނުމަކީ މިހަނގުރާމަ އިތުރަށް ގޯސްވިޔަ ނުދިނުން ކަމަށް ވެސް އެމެރިކާއިން ވަނީ ބުނެފައެވެ.