ސަރުކާރުގެ ސިޔާސަތުތައް ބަައްޓަންކުރާނީ ކުދި އަދި މެދު ފަންތީގެ ވިޔަފާރިވެރީންނާއި އަދި ހުރިހާ ފަންތިއެއްގެ ވިޔަފާރިވެރިން ކުރިއެރުވުމަށްޓަކައިކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެއެވެ.

ރައީސް މިފަދައިން ވިދާޅުވީ ވިޔަފާރިވެރިންނާއެކު ކުރިއަށްގެންދާ ބައްދަލުވުން ފެއްޓެވުމުގެ ގޮތުން ވާހަކަފުޅު ދައްކަވަމުންނެވެ.

Ad by Hajj Corporation

މީގެ ކުރިން އެކި އެކި ކަންބޮޑުވުންތަކާ ގުޅިގެން ކުރީގެ ސަރުކާރުތަކުން ވިޔަފާރިވެރިންނާއެކު ބައްދަލުވުންތައް ބޭއްވި ނަމަވެސް މިއީ ކުދި އަދި މެދުފަންތީގެ ވިޔަފާރިވެރިންނާއެކު މިހާ ފުޅާދާއިރާއެއްގައި ރައީސް ބާއްވާ ފުރަތަމަ ބައްދަލުވުމެވެ.

ކުދި އަދި މެދު ފަންތީގެ ވިޔަފާރިކުރާ ގިނަ އަދަދެއްގެ ވިޔަފާރިވެރިން ބައިވެރިވާ ޖަލްސާގައި ވާހަކަފުޅު ދައްކަވަމުން ރައީސް ވިދާޅުވީ ސަރުކާރުން މަަސައްކަތް ކުރަމުން ގެންދަނީ ކުދި އަދި މެދު ފަންތީގެ ވިޔަފާރިވެރީންނާއި އަދި ހުރިހާ ފަންތިއެއްގެ ވިޔަފާރިވެރިން ކުރިއެރުވުމަށްޓަކައި ސިޔާސަތުތައް ބަައްޓަންކޮށްގެން ކުރިއަށް ގެންދަންކަމަށާއި ވުމާއެކު ވިޔަފާރިވެރީންގެ ކަންބޮޑުވުންތަކާއި މަޝްވަރާތަކާއި ޚިޔާލުތައް ވެގެން ދާނީ އެމަނިކުފާނަށް ވަރަށް އަގުހުރި ވާހަކަތަކަކަށް ކަމަށެވެ.

މި ސަރުކާރުގެ ސިޔާސަތަކީ ހުރިހާ ވިޔާފާރިތަކެއްވެސް ކުރިއެރުވުންކަމަށް ރައީސް ވިދާޅުވިއެވެ.

ކުދި އަދި މެދު ފަންތީގެ ވިޔަފާރިތައް ކުރިއެރުވުމަށް ސަރުކާރުން ދަނީ ގިނަ މަސައްކަތްތަކެއް މިހާރުވެސް ކުރަމުންނެވެ.