ދަތުރުވެރީން ގެންނަ ތަކެއްޗާއި، އަމިއްލަ ފަރާތްތަކުގެ ކުދިކުދި ބޭނުންތަކަށް ގެންނަ ތަކެއްޗާއި، ވިޔަފާރި ސާމްޕަލުގެ ގޮތުގައި ގެންނަ ތަކެތީން ޑިއުޓީ މާފުކުރުމުގެ އުސޫލު އެކުލަވާލައި އާއްމުކޮށްފިއެވެ.

މި ގަވާއިދުގައި ވާގޮތުން ރާއްޖެ އަންނަ ޕްރޮފެޝަނަލް ގިންތީގެ މީހުންގެ ގޮތުގައި ބަލާ ޓީޗަރުން، ޑޮކްޓަރުން، މެނޭޖަރުން އަދި ކޮންސަލްޓަންޓުން ގެންނަ ދުންފަތުގެ ބާވަތްތަކާއި އެތަކެތި ބުއިމަށް ބޭނުންކުރާ ތަކެތީގެ ތެރޭގައި ހިމެނޭ އީ-ސިނގިރޭޓް، ޝީޝާ ފަދަ ތަކެތި ނުހިމެނޭނެއެވެ.

Ad by Hajj Corporation

އަދި ރާއްޖެއިން ބޭރަށް ދަތުރުކޮށްފައި އަންނަ އުމުރުން 18 އަހަރު ފުރިފައިވާ ބޭރުގެ ފަތުރުވެރިން އަމިއްލަ ބޭނުމަށް ގެންނަ ސިނގިރޭޓާއި ސުއްޓާ ފަދަ ތަކެތީގެ ތެރެއިން 200 ސިނގިރޭޓް، 25 ސުއްޓާ އަދި 250 ގްރާމް ދުންފަތް ވެސް ޑިއުޓީ މައާފުވެގެންވެއެވެ.

މި އުސޫލުގެ ދަށުން ދޫކުރާ ތަކެތީގެ މައުލޫމާތާއި ދޫކުރެވުނު ތާރީހު ކަސްޓަމްސްއިން ބަލަހައްޓަން ޖެހޭއިރު މި އުސޫލު ގެޒެޓުގައި ޝާއިއުކުރެވިފައިވާތީ މިއަދުން ފެށިގެން މި އުސޫލަށް ވަނީ އަމަލުކުރަން ފެށިފައެވެ.