ރައީސުލްޖުމްހޫރިއްޔާ ޑރ. މުހައްމަދު މުއިއްޒު އއ.މަތިވެރިއަށް ވަޑައިގެންނެވުމުން އެ ރަށު ރައްޔިތުން ނިކުމެ ހޫނު މަރުޙަބާއެއް ދަންނަވައިފިއެވެ.

ރައީސުލްޖުމްހޫރިއްޔާ އއ.މަތިވެރިއަށް ވަޑައިގެންނެވީ މާލެ އަތޮޅުގެ ބައެއް ރަށްރަށަށާއި އަރިއަތޮޅު އުތުރުބުރީގެ ރަށްތަކަށް ކުރައްވާ ދަތުރުފުޅުގެ ތެރެއިންނެވެ.

މާލެ އަތޮޅުގެ ބައެއް ރަށްރަށަށާއި އަރިއަތޮޅު އުތުރުބުރީގެ ރަށްތަކަށް ކުރައްވާ ދެ ދުވަހުގެ މި ދަތުރުފުޅުގައި ރައީސުލްޖުމްހޫރިއްޔާ މިއަދު ހެނދުނު އެންމެ ފުރަތަމަ ވަޑައިގަތީ ތޮއްޑޫއަށެވެ. އަދި މިއަދު މެންދުރު ވަޑައިގަތީ ރަސްދޫއަށެވެ. މަތިވެރިއަކީ މިއަދުގެ އެންމެ ފަހު މަންޒިލެއްގެ ގޮތުގައި އެމަނިކުފާނު ވަޑައިގަންނަވާ ރަށެވެ.

ރައީސްގެ މިދަތުރުފުޅުގައި މާދަމާ ކ.އަތޮޅުން އެންމެ ފުރަތަމަ ވަޑައިގަންނަވާނީ ގާފަރަސެވެ. އެއަށްފަހު ހުރާ އަދި ހިންމަފުއްޓަށް ވަޑައިގަތުމަށް ހަމަޖެހިފައިވެއެވެ. އަދި އެރަށްރަށުގެ ކައުންސިލްތަކާއި އަންހެނުންގެ ތަރައްގީއަށް މަސައްކަތްކުރާ ކޮމިޓީތަކާ ބައްދަލުކުރައްވާނެއެވެ. އަދި މިރަށްރަށުގެ ރައްޔިތުންނާވެސް ބައްދަލުކުރެއްވުމަށް ހަމަޖެހިފައިވެއެވެ.

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އަތޮޅުތެރެއަށް ކުރައްވާ ދަތުރުފުޅަކީ ކައުންސިލަރުންނާ ގާތުން މަސައްކަތް ކުރެއްވުމަށައި ކައުންސިލްތަކުގެ ކަންބޮޑުވުންތައް އަޑުއެއްސެވުމަށް ކުރައްވާ ދަތުރުފުޅުތަކެވެ.

Ad by Hajj Corporation