އާންމު މިންގަނޑާ ހިލާފަށް ކާބޯތަކެތި ތައްޔާރުކުރަމުން ދިޔަ ބިދޭސީއަކު އިމިގްރޭޝަނުގެ ބެލުމުގެ ދަށަށް ގެންގޮސްފި އެވެ.

ރޭ އެ މީހާ އަތުލައިގަތީ އެ އިދާރާއަށް ލިބުނު މައުލޫމާތާ ގުޅިގެން އެ އިދާރާގެ ޓާސްކްފޯހުން ހިންގި ހާއްސަ އޮޕަރޭޝަނެއްގަ އެވެ.

އިމިގްރޭޝަނުން ބުނީ މިތަނަކީ އާންމު މިންގަނޑުތަކާއި ޚިލާފަށް ދިވެހި އުފެއްދުންތައް ވިޔަފާރީގެ ބޭނުމަށް ތައްޔާރުކުރަމުންދާ ތަނެއް ކަމަށާއި އަދި މިތަނުން ވަނީ ފިހާރަތަކުން އާންމުކޮށް ލިބެންހުންނަ ގިނަ ބާވަތްތަކުގެ ކާބޯތަކެތި ފެނިފައި ކަމަށެވެ. މި ތަނަކީ އާންމު މިންގަނޑުތަކާއި ހިލާފަށް ދިވެހި އުފެއްދުންތައް ވިޔަފާރީގެ ބޭނުމަށް ތައްޔާރުކުރަމުންދާ ތަނެއް ކަމަށާ ފިހާރަތަކުން އާންމުކޮށް ލިބެން ހުންނަ ގިނަ ބާވަތްތަކުގެ ކާބޯތަކެތި އެތަނުން ފެނިފައިވާ ކަމަށް އިމިގްރޭޝަނުން ބުނެ އެވެ.

ދިވެހި އުފެއްދުންތައް ވިޔަފާރީގެ ބޭނުމަށް ތައްޔާރުކުރަމުންދިޔަ ބިދޭސީއެއް ހައްޔަރުކޮށްފަވާއިރު "އިމިގްރޭޝަން ވޮޗް"އަށް މިހާތަނަށް 1000އަށް ވުރެ ގިނަ މައްސަލަ ހުށައަޅާފައިވާ ކަމަށް މޯލްޑިވްސް އިމިގްރޭޝަނުގެ ތަފާސްހިސާބުތަކުން ދައްކައެވެ.

އިމިގްރޭޝަނުން ހާމަކޮށްފައިވާ މައުލޫމާތުގައިވާ ގޮތުން ނޮވެމްބަރު މަހުގެ ނިޔަލަށް އިމިގްރޭޝަން ވޮޗަށް 1017 މައްސަލަ ހުށައަޅާފައިވެއެވެ. މީގެތެރޭގައި އެންމެ ގިނައިން ހުށައަޅާފައިވަނީ ބިދޭސީ މަސައްކަތްތެރިން ޤާނޫނާއި ޤަވައިދާއި ޚިލާފަށް ވިޔަފާރިކުރާ މައްސަލަތަކެވެ. އެގޮތުން އެފަދަ 239 މައްސަލަ ހުށައަޅާފައިވާ ކަމަށް އިމިގްރޭޝަނުން މައުލޫމާތު ދެ އެވެ.

ވޯކް ވިސާއާ ގުޅޭ 239 މައްސަލަ ހުށަހަޅާފަވާއިރު ހަށިވިއްކުމުގެ 65 މައްސަލައެއްވެސް މިހާތަނަށް އިމިގްރޭޝަން ވޮޗަށް ހުށައަޅާފައިވެއެވެ.

ޤަވާއިދާ ޚިލާފަށް ރާޢްޖޭގައި އުޅެމުން އަންނަ ބިދޭސީންގެ މައްސަލަ ހައްލުކުރުމުގެ މަސައްކަތް އިމިގްރޭޝަނުން ކުރަމުން އަންނައިރު ޤަވާއިދާ ޚިލާފަށް ވިޔަފާރިކޮށް، ސައްޙަ ވިސާއެއްނެތި އުޅެމުންދާ ބިދޭސީން ދެނެގަތުމަށް ކުރިއަށްގެންދާ އޮޕަރޭޝަން، އަތޮޅުތަކަށް ފުޅާކުރުމަށް އިމިގްރޭޝަނުން ދަނީ މަސައްކަތް ކުރަމުންނެވެ.