ބިންވެރިޔާ ސްކީމްގެ ދަށުން ދޫކުރާ ގޯތިތައް ލިބިފައިވާ އެއްވެސް ފަރާތެއްގެ އެއްވެސް ޙައްޤަކަށް އުނިކަމެއް ނުލިބޭނެކަމުގެ ޔަގީންކަން ސަރުކާރުން ދީފިއެވެ.

ރައީސުލްޖުމްހޫރިއްޔާގެ އޮފީހުގެ ތަރުޖަމާނު ހީނާ ވަލީދު ކުރެއްވި އެކްސް ޕޯސްޓެއްގައި ވިދާޅުވީ ފުލުހުން އިސްނަގައިގެން އެޗްޑީސީގައި ކުރިއަށްގެންދާ ޖިނާއީ ތަޙުޤީޤު މިނިވަންކަމާއެކު ބާރަށް ކުރިއަށް ގެންދިއުމަށް ޖާގަ ދިނުމަށް، އެޗްޑީސީގެ ބޯޑުގެ ޗެއަރމަން ފިޔަވައި ، ކުންފުނީގެ މެނޭޖިންގ ޑިރެކްޓަރާއި އެހެން ހުރިހާ މެންބަރުން ތަޙްްޤީޤު ނިމެންދެން ސަސްޕެންޑް ކުރައްވައިފައިވާކަމަށެވެ.

Ad by Hajj Corporation

އަދި މިކަމާ ގުޅިގެން ގޯތި ލިބިފައިވާ އެއްވެސް ފަރާތެއްގެ އެއްވެސް ޙައްޤަކަށް އުނިކަމެއް ލިބިފައިނުވާކަން އަދި ނުވެސް ލިބޭނެކަމުގެ ޔަޤީންކަން ސަރުކާރުން ވަނީ ރައްޔިތުންނަށް އަރުވާފައެވެ.

ފުލުހުން ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ)އަށް ވަދެފައިވަނީ ސާވާގައި ހުރި ޑޮކިއުމަންޓްތަކެއް ނައްތާލާކަމަށް ލިބުނު މައުލޫމާތެއްގެ ތަހުގީގަށްކަން މެންދުރުޓީވީއަށް ވަނީ އިތުބާރުހުރި މަސްދަރަކުން ރޭ މައުލޫމާތު ލިބިފައެވެ.

ހުޅުމާލޭގައި މިވަގުތު ބިން ދޫކުރަނީ ފޭސް 2 އިން ހިއްކާފައިވާ ސަރަޙައްދުންނެވެ. އަދި ފޭސް 3 ގެ ގޮތުގައި ހިއްކަމުންދާ ބިމުންވެސް، އެ މަސައްކަތް ނިމުން ގޯތި ދޫކުރާނެއެވެ.

މިހުރިހާ ގޯތިތަކަކީ ވެސް ޕީޕީއެމްގެ ފުރަތަމަ ސަރުކާރުން ހިއްކާ ނިންމާފައިވާ ތަންތަނެވެ. އަދި މިހާރު ފޭސް ތިނެއް ހިއްކުމުގެ މަސައްކަތް ސަރުކާރުންދަނީ ކުރަމުންނެވެ.

އެޗްޑީސީއަކީ އިންތިހާބުތަކާ ދިމާކޮށް އެމްޑީޕީގެ ސަރުކާރުގައި ގިނަ އަދަދަކަށް ވަޒީފާދީފައިވާ މުވައްޒަފުން ގިނަ އަދަދަކަށް ތިބިިތަނެއްކަން އެނގިފައިވެއެވެ. މިއިން އެއްވެސް މުވައްޒަފަކު މި ސަރުކާރުން ވަކިކޮށްފައެއްނުވެއެވެ.