logoEN
ޚަބަރު

ސީރިއާ ބަހާލައި ވަކި ދައިލަތްތަކެއް އުފައްދަން މަޝްވަރާކޮށްފި

ސީރިއާގެ ތެރޭގައި ޔަހޫދީ ހަނގުރާމަވެރިން ހަރަކާތްތެރިވަނީ

ސީރިއާގެ ތެރޭގައި ޔަހޫދީ ހަނގުރާމަވެރިން ހަރަކާތްތެރިވަނީ

އާމިނަތު ސަފާއާމިނަތު ސަފާ

12 ޖެނުއަރީ 2025 - 04:19

މެދުއިރުމަތީގައި ހަން ފަތުރަން މަސައްކަތްކުރަމުންދާ ޔަހޫދީ ޣައިރު ޤާނޫނީ ދައުލަތް- އިސްރާއީލުން ސީރިއާ، ވަކި ސަރުކާރުތަކަކަށް ބެހުމަށް ރާވަމުންދާކަމަށް ޔަހޫދީ މީޑިއާއަކުން ބުނެފިއެވެ.

އިސްރާއީލް ހަޔޮމް އިން ރިޕޯޓުކޮށްފައިވާގޮތުން ޔަހޫދީންދަނީ ސީރިއާގެ ސަރަހައްދުތައް އެކި ނަސްލުގެ މީހުންނާއި، ބައިމަދު ދީންތަކުގެ މީހުން އެކި ސަރުކާރުތަކަށް ބެހުމަށް މަޝްވަރާތައްކުރަމުންނެވެ.

އިސްރާއީލް ހަޔޯމް އިން ރިޕޯޓްކޮށްފައިވާ ގޮތުގައި މިދިޔަ ބުދަ ދުވަހު ބޭއްވި އިސްރާއީލުގެ ކެބިނެޓް ބައްދަލުވުމުގައި ޑިފެންސް މިނިސްޓަރު އިސްރާއީލް ކަޓްޒް ރިޔާސަތުގައި އިނދެގެން ސީރިއާގައި ތުރުކީގެ ނުފޫޒާ ބެހޭ ގޮތުން ވަނީ މަޝްވަރާކޮށްފައެވެ.

އެގޮތުން އެ ބައްދަލުވުމުގައި ބައިވެރިވި ވަޒީރުން ވަނީ ސީރިއާގައި މިހާރު ވެރިކަން ކުރަމުން އަންނަ ތަހުރީރު އަލް ޝާމް ނުވަތަ އެޗްޓީއެސް ގްރޫޕަކީ ހަރުކަށި އިސްލާމީ ޖަމާއަތެއްކަމަށް ނިންމާފައެވެ. އަދި ޔަހޫދީންނަށް އިސްރާއީލުގެ ތެރެއިން ނުރައްކަލެއް ނާންނަގޮތަށް ކުރުދީންނާއި، ތުރުކީންނާއި، ސުންނީންނާއި ޝީއީން ސީރިއާގެ އެކި ހިސާބުތަކަށް ބަހާލަންޖެހޭކަމަށް ޔަހޫދީންވަނީ ނިންމާފައެވެ.

މިކަމާ ބެހޭގޮތުން ޔަހޫދީންނަށް ވާގިވެރިވާ ގައުމުތަކާވެސް އަންނަނީ މަޝްވަރާކުރަމުންކަމަށް އިސްރާއީލް ހަޔޮމް އިން ރިޕޯޓުކޮށްފައިވެއެވެ.

މިފަދަކަމަކަށް ޔަހޫދީން މަސައްކަތް ފަށައިފިނަމަ ސީރިއާގެ ތެރެއިން ވަރުގަދަ ދެކޮޅުވެރިކަމަކާ ކުރިމަތިލާންޖެހޭނެކަމަށާއި އެކަންކަން ކޮންޓްރޯލްކުރުމަށް ދުރާލާ ފިޔަވަޅު އެޅުމަށްވެސް ޔަހޫދީންވަނީ ނިންމާފައެވެ.

ފަލަސްތީނުގެ އިތުރުން ސީރިއާއާއި ޔަމަނަށްވެސް ޔަހޫދީން މިދަނޑިވަޅުގައި އަންނަނީ ހަމާލާތައް ދެމުންނެވެ. މިހަމަލާތައް ދިނުމުގައި ޔަހޫދީންނަށް އެންމެ ބޮޑަށް ވާގިވެރިވަނީ އެމެރިކާއިންނެވެ.

ކޮމެންޓް

871x217_placeholder